ЯҢАЛЫКЛАР

20 декабрьдә Саба сәнгать мәктәбенең Шәмәрдән филиалында  «Якынлашып килүче Яңа ел белән!» дип исемләнгән рәсемнәр күргәзмәсе оештырылды, ул бәйрәм атмосферасы һәм яңа ел кәефе бүләк итте. Күргәзмәдә 23 укучының рәсемнәре катнаша.

Уку елының I яртыеллыгы ахырына якынлаша.  Балалар сәнгать мәктәбендә заман белән беррәттән үзгәрешләр булуга карамастан, ул һәрвакыт сәнгать храмы булып кала, яшь музыкантлар, рәссамнар һәм хореографлар шуннан юл ала. Бу йорт Һәркемгә илхам чыганагы бирә.

2024 елның 20 декабрендә актлар залында «Музыка һәм төсләр балкышында» дип исемләнгән сәнгать мәктәбе укучыларының традицион отчет концерты узды. Отчет концерты-бөтен мәктәп өчен бик әһәмиятле чара. Шуңа күрә уку елы дәвамында казанышлары һәм талантлары белән сөендергән солистлар һәм коллективлар, төрле фестиваль, конкурс лауреатлары һәм дипломантлары катнаша.

19 декабрь көнне Саба район китапханәсенең уку залында Яңа ел – 2025 не каршылау бәйрәме узды. Бәйрәмгә безнең актив китап укучыларыбыз китапханә каршында эшләп килүче "Алтын куллар", "Мишә дулкыннары", "Сөембикә", "Өлкәннәр" клублары әгъзалары җыелды. Алар өчен китапханәчеләр "Яңа ел маҗаралары" - театраль тамаша күрсәттеләр. Елның шаян айлары һәм Кыш Бабай күңелле уеннар уйнатып, җырлар җырлатып өлкәннәрне сөендерделәр. Кунакларыбыз балачакларын, яшьлекләрен искә төшерделәр - Яңа ел турында шигырьләр, үзләре, танышлары белән булган кызыклы вакыйгалар сөйләп, җырлап-биеп Кыш бабайдан бүләкләр алдылар. Гармунчыбыз Илшат Мөхәммәтшин һәм "Гөлбакча" ансамбле чыгышлары һәркемнең күңеленә хуш килде.

“Яңа елны ничек каршы алсаң, ел да шулай үтәр!”- дигән юрама бар. Без китапханәчеләр һәрбер кешегә ныклы сәламәтлек, бәхет-шатлыклардан торган озын гомер, тыныч күк йөзе телибез!

Сатыш авылы мәдрәсәсе музеенда Ш.З.Зиннуров исемендәге Сатыш урта мәктәбе укучылары өчен Россиядә Ватан Геройлары көненә багышланган презентация күрсәтелде. Бу көнне Советлар Союзы һәм Россия Федерациясе Геройларын, Изге Георгий Ордены һәм Дан Ордены кавалерларын хөрмәтлиләр. Бу бәйрәмдә ата-бабаларыбызның батырлыкларын искә алу гына түгел, ә хәзерге вакытта  илебездә яшәүче  геройлар да  искә алына, хөрмәт ителә. 9 декабрь көне очраклы гына сайланмаган. Иске стиль буенча, 1917 елга кадәр 9 декабрьдә Георгий кавалерларының хезмәтләрен хөрмәтләүгә багышланган бәйрәм көне булдырылган. Музей хезмәткәре балаларны Ватан Геройлары көненең тарихы белән таныштырды, Бөек Ватан сугышы геройлары, Әфганстан каһарманнары, махсус операция геройлары һәм бугенге көндә исән-сау булган  геройларның тормышы  турында сөйләде.

Саба урман хуҗалыгы тарихы музеенда Казан дәүләт аграр университетының урман хуҗалыгы һәм экология факультеты студентлары булды.

Халыкара инвалидлар көне- календарьның аерым бер бите. Бу дата сәламәт кешеләрне шәфкать турында уйланырга һәм мохтаҗларга ярдәм кулы сузарга чакыра. 10 декабрь көнне Мишәбаш мәдәният йортында Явлаштау китапханәсе белән берлектә чәй өстәле янында "Йөрәктән йөрәккә" дигән очрашу үткәрелде. Чара барышында төрле иҗади һәм кызыклы конкурслар оештырылды, шулай ук "Башваткыч" интеллектуаль уены уйналды. Моннан тыш, иҗади номерлар тәкъдим ителде. Чәй өстәле артында без кадерле кунаклар белән аралаштык һәм сәламәтлек рецептлары белән уртаклаштык. Шулай ук китапханәдәге "Якташлар иҗаты" күргәзмәсе белән таныштырдык. Ахырда барысы да бер-берсенә ныклы сәламәтлек, яхшы кәеф, бәхет теләп, очрашудан канәгатьлек алып, саубуллаштылар

Вакытлы матбугат җәмгыять тормышында мөһим роль уйный. Газета-журналлар укучыларга вакыйгалар турында актуаль мәгълүмат бирә, кызыклы фактларны яктырта һәм кызыксындырган сорауларга җавап бирә. Бүген Явлаштау авыл китапханәсендә «Китапханә язылып ала» дип исемләнгән вакытлы матбугат сәгате узды. Китапханәче вакытлы матбугатка күзәтү үткәрде. Теләге булган һәркем журналларны карап чыга һәм кызыксындырган сораулар буенча консультация ала алды. Чарада катнашучылар газета - журнал мәкаләләре турында актив фикер алыштылар, шулай ук 2025 елның беренче яртыеллыгында китапханәдә нинди вакытлы матбугатны күрергә теләүләре турында теләкләрен белдерделәр. Авылдашыбыз Ринат Шамилов турында «Ватаным Татарстан» газетасында басылган материал аеруча кызыклы булып чыкты.

10 декабрь көнне Саба район китапханәсендә "Алтын куллар" клуб берләшмәсенең чираттагы утырышы узды. Декабрьдә инвалидлар декадасы ункөнлеге бара, шул уңайдан "Язмышны җиңгән шәхесләр" дип исемләнгән әдәби сәгать узды. 
 Рөстәм Нәбиев, Фәнис Яруллин кебек тормышта югалып калмаган, үз- үзендә яшәү көче табып яшәгән шәхесләр тормышы, иҗаты турында сөйләштеләр. 

2024 елның 11 декабрендә Эзмә урта мәктәбендә “Х. һәм А. Вәлиуллиннар исемендәге Саба балалар сәнгать мәктәбенең укытучылары Газизова Гүзәл Равил кызы һәм Галиева Эльвира Раеф кызы яңа ел алды мастер-классын уздырдылар.

Агач бизәнү һәм сувенирларга мода беркайчан да узмаган. Ул бераз вакыттан соң яңартылган хәлдә яңадан аякка басу өчен бераз вакыт чамалый ала иде.

Мастер-класста катнашучылар әзерләү вариантын сайладылар һәм үз зәвыгына буядылар. Безнең буяу осталары җитәкчелегендә дөрес пропорциядә катнаштылар, кирәкле нәтиҗәгә ирешү өчен пумала белән дөрес хәрәкәтләр ясадылар. Һәр мастер-класста катнашучы үз куллары белән кабатланмас брошка ясаган!

2024 елның 1-10 декабрендә Россиядә Инвалидлар декадасы уза. Бу сәламәтлек мөмкинлекләре чикләнгән кешеләрнең проблемаларына җәмгыять игътибарын җәлеп итү һәм аларга ярдәм итү мөмкинлеге.

Бу ункөнлек кысаларында 2024 елның 10 декабрендә Шәмәрдән модель һәм балалар китапханәләре «Яшьлек» яшьләр үзәге белән берлектә «Югары Утар балалар интернат-йорты»нда тәрбияләнүчеләр өчен «Мин булдыра алам» дигән иҗади сәгать үткәрделәр.

Китапханәчеләр балалар өчен экскурсия үткәрделәр, китапханәдә үз-үзеңне тоту кагыйдәләре һәм китап белән эш итү турында сөйләштеләр, яңа тематик китапларга күзәтү ясадылар.

Чараның икенче өлешендә балалар өчен открытка ясау буенча мастер-класс оештырылды һәм экспериментлар үткәрелде.