ЯҢАЛЫКЛАР

Һәр халыкның мәдәнияте үзенә генә хас сыйфатларга бай. Билгеле бер урында урнашкан халыкларны берләштерә торган кәсепләр турында фикер алышу бүгенгесе көндә бик тә актуаль.Төрледән төрле кул эшләнмәләрен ясау, өйрәнү осталыгы серләре буыннан буынга тапшырыла. “Туган якны өйрәнүчеләр”клубының чираттагы утырышында да төбәгебез халкының төп кәсепләре турында искә төшерелде. Һәркемгә тукыма туку, агачтан савыт-сабалар ясау турында ишетү таныш иде. Очрашуда Гомәров Равиль абыйның чыгыш ясавыннан безнең ата-бабаларыбызның көнкүреш тормышын ачыктан-ачык күз алдына китерегә мөмкин булды.

12 мартта Саба район китапханәсендә ализе җептән пончиклар бәйләү буенча мастер-класс үтте. Чарага эко-уенчыклар буенча остаз Гөлия Сафина чакырылган иде. Кунаклар бик канәгать калдылар

Урта Саба авылы китап бирү пункты  Урта Саба авылы клубы белән берлектә 8 нче март-халыкара хатын-кызлар көненә багышланган “Сез иң гүзәл кеше икәнсез” – дип исемләнгән викторина үткәрде. Һәр кешенең тормышында Әни иң зур урын алып тора, ул һәр кем өчен кадерле. Чарада катнашучылар әниләре иң яхшы сыйфатлары турында сөйләштеләр һәм бәйрәм белән котлап иң җылы һәм иң изге теләкләрен җиткерделәр. Күчмә китапханә  китаплары яңартылды, балалар өчен периодик-журналлар уку мөмкинчелеге тудырылды.

Тормышыбызга яңа агым килеп керде,ул -үз кулың белән бизәп киемне,көндәлек куллану әйберләрен заманча итеп бизәү,яңарту. Явлаштау авыл китапханәсендә Ә.Каримуллин исемендәге үзәк китапханә хезмәткәрләре сумка-шоппер бизәү буенча мастер класс оештырдылар.Мероприятиядә авылыбызның рәсем сәнгатенә тартылучы яшьләре һәм яшүсмерләре катнашты.Эш тәртибен аңлатканнан соң һәркем үз фантазиясенә нигезләнеп рәсем төшерү,буяу эшләрен яратып башкарды,һәм нәтижәдә көндәлек куллануга яраклы,кабатланмас ижат эше үзенең матур нәтижәсен бирде.Мастер-классны оештырган үзәк китапханә кызларына зур рәхмәтемне житкерәм.

Килдебәк авыл мәдәният йортында, мәктәп белән берлектә, 8 Март Халыкара хатын-кызлар көненә багышланган "Бәхетле бул, хатын-кыз!" исемле  бәйрәм концерты үткәрелде.
Килдебәк авыл җирлеге башлыгы Заһидуллин Н.Н., мәктәп директоры Мәүлетов Н.М., алар залда җыелган барлык хатын-кызларны җылы теләкләр белән котладылар.
 Концерттагы барлык  чыгышлар да,  хатын-кызларга, мәхәббәткә һәм язга багышланган иде.  Җылылык һәм мәхәббәт белән сугарылган программаның һәр номеры кабатланмас шатлык, эмоциональ күтәрелеш һәм бәхет хисе бирде.
Мәктәп укучылары, укытучылар, ата-аналар әзерләгән  концерт номерлары һәм бию композицияләре барлык катнашучыларга бик күп күңелле һәм уңай эмоцияләр бүләк итте.

Саба туган якны өйрәнү музеенда язучы-публицист, журналист Тәлгать Самат улы Нәҗмиевны искә алу кичәсе уздырылды. Ул 1950 елның 1нче мартында Кукмара районы Байлангар авылында туып үскән. 30 елга якын “Саба таңнары” газетасында мөхәррир булып эшләү чорында Ул утыз елга якын “Саба таңнары” газетасында мөхәррир булып эшләү чорында республикада танылган жәмәгать эшлеклесенә, районыбызның легендар шәхесенә әйләнде. Утыз өч еллык иҗади эшчәнлеге дәверендә 16 китап (барлыгы 53 мең данә) чыгарды. ТРның атказанган мәдәният хезмәткәре дигән мактаулы исемгә, Татарстан журналистларының Хөсәен Ямашев исемендәге премиясенә, “Бәллүр каләм” призына лаек булды. Казанның 1000 еллыгы медале, Татарстан Президентының Рәхмәт хатлары, бик күп министрлыкларның һәм жәмәгать оешмаларының Мактау грамоталары, Дипломнары белән бүләкләнде. Аның исеме 2005 елда Мәскәүдә нәшер ителгән “Лучшие люди России”, 2014 елда “Татарстан портрет современника” һәм Татар энциклопедияләренә кертелде. 2014нче елда Шәмәрдән авылы, 2015нче елда Кукмара районы Байлангар авыл китапханәләренә Тәлгать Нәҗмиев(вафатыннан соң) исеме бирелде. Язучының район тормышына керткән хезмәте турында фикер алышынды. Очрашуда тормыш иптәше Лемара ханым аның эшчәнлеге, иҗаты, яшәү дәверендә булган күңелле мизгелләр белән уртаклашты. Шулай ук язучыга багышланган күргәзмәгә күзәтү ясалды

Саба районы китапханәчеләре Кызыл Мишә авылында "Сәламәтлек мөмкинлекләре чикле балалар өчен Саба интернат-мәктәбе" дәүләт бюджет гомуми белем бирү учреждениесендә булдылар. ​ Балалар өчен скрапбукинг техникасында открыткалар ясау буенча мастер-класс үздырдылар.. Чара Пушкин картасы буенча үткәрелде.

Бөек мәгърифәтчебез Р. Фәхреддин: “Бала чакта алынган тәрбияне соңыннан бөтендөнья халкы да үзгәртә алмас”, - дип язып калдырган.   Бала үзен Кеше итеп тойсын өчен, аңарда милли горурлык, туган телгә мәхәббәт хисе тәрбияләргә кирәк. Шуның өчен дә мәктәп укучыларын тәрбияләүдә халкыбызның борынгы гореф-гадәтләрен, йолаларын һәм бәйрәмнәрен өйрәтү мөһим чараларның берсе булып тора. Саба район балалар китапханәсе хезмәткәрләре ДБГБУ “Саба интернат-мәктәбе” укучылары өчен 2023ел Татарстан Республикасында Милли мәдәниятләр һәм гореф-гадәтләр елы уңаеннан, “Халкыбызның милли бизәкләре” -танып-белү сәгате, мастер-класс үткәрделәр. Чара “Халкым тарихы” - күргәзмәсенә күзәтү белән башланып китте. Читеккә мәгълүмат бирелеп, укучылар читек, калфак, түбәтәй рәсеменнән пазл җыйдылар. Ә чараның икенче өлешендә алдан катыргыдан киселгән читек макетлары һәм төрле милли бизәкләр өләшенде. Алар клей ярдәмендә читеккә милли бизәкләр ябыштырдылар.

2 март көнне хатын-кызлар бәйрәме уңаеннан Саба район китапханәсе хезмәткәрләре "Гаилә белан китапханә" проекты кысаларында, әниләр һәм балалар өчен кызыклы очрашу уздырдылар. Чара башында кунаклар өчен "Башваткыч" уены уздырылды , катнашучылар сорауларга җавап бирделәр. Кичә "Имбир прәннекләр буяу" мастер-классы белән дәвам итте. Чара ахырында укулар оештырылды, балалар әниләргә яраткан шигырьләрен укыдылар, ә әниләр үз чиратында балаларга яраткан әкиятләрен тәкъдим иттеләр

Ел саен 2010 елдан башлап мартның беренче чәршәмбесендә Бөтендөнья кычкырып уку көне үткәрелә. 2 март көнне Саба гимназиясендә “Китап сөючеләр” клуб берләшмәсенә йөрүче укучылар өчен “Китап – якын дустыбыз” – китап уку сәгате үткәрелде.  Укучылар  китап укуның файдасы һәм аеруча кычкырып укуның уй-фикерләрне җиңел һәм төгәл җиткерергә булышуы, сүзлек запасын, күзаллау даирәсен һәм сөйләмнең дөреслеген арттыруга китерүе турында белделәр. Р.Миңнуллин “Мин мактанчык түгел”, Р.Шәехова “Серле сораулар”, Йолдыз  “Китаплы кич”, В.Степанов “В Гостях у жирафа”, С.Михалков “Дядя Степа”, А.Барто “Котенок” һәм башка авторларның шигырьләре сәнгатьле итеп укылды.