ЯҢАЛЫКЛАР

12 сентябрь көнне Шекше авыл китапханәсендә «Вакытлы матбугат иленә сәяхәт» дип исемләнгән балалар өчен чара үткәрелде. Китапханәче очрашуны сәламләү сүзе белән башлады. Ул вакытлы матбугатның безнең тормышыбыздагы әһәмияте турында сөйләде: газета-журналларның безгә вакыйгалардан хәбәрдар булырга, дөньяга карашыбызны үстерергә һәм мөстәкыйль фикер йөртүгә этәргеч бирүләре турында сөйләде, шулай ук вакытлы матбугатның мәгълүмат чыганагы гына түгел, бәлки вакытны кызыклы үткәрүнең менә дигән ысулы да була алуын билгеләп үтте. Аннары китапханәче балаларга вакытлы матбугатның төрле төрләрен карарга тәкъдим итте һәм аларның һәрберсе турында җентекләп сөйләде. Балалар кызыксынып журнал битләрне карадылар, иллюстрацияләр турында фикер алыштылар һәм үзләренең тәэсирләре белән уртаклаштылар. Чара азагында оештыручы вакытлы матбугатны даими укырга кирәклеге турында сөйләде, балаларны китапханәгә яңа журналлар һәм газеталар алырга чакырды, шулай ук үзләренә ошаган саннарны өйләренә алып кайту мөмкинлеге турында искәртте. Чара дустанә атмосферада узды, балаларда бик күп уңай хис-кичерешләр һәм вакытлы матбугат дөньясы турында күбрәк белү теләге калдырды.

Көз – матур чор, ул безгә төрле төстәге буяулар, якты мизгелләр бүләк итә. 12нче сентябрь көнне,Тукай паркында, район балалар китапханәсе хезмәткәрләре Хөснулла һәм Аллаһияр Вәлиуллиннар исемендәге Саба мәктәбенең сәнгать бүлеге укытучылары һәм укучылары белән берлектә, “Әдипләребезнең әсәрләрендә көз” дип исемләнгән иҗади - танып белү сәгате үткәрделәр. Чара барышыда балалар көз билгеләре турындагы сорауларга җавап бирделәр, табышмакларны чиштеләр, көзге мәкальләрне һәм әйтемнәрне искә төшерделәр. Аннары укучылар акварель буяулар белән фантазия һәм иҗади кәефләрен туплап, рәсем ясау буенча көзге пленэрда катнаштылар.

Явлаштау авыл китапханәсе программистлар көненә багышланган «21 нче гасыр һөнәре» темасына әңгәмә үткәрде. Чара кысаларында программалаштыру өлкәсендәге актуаль тенденцияләр, ихтыяҗ булган күнекмәләр һәм карьера үсеше мөмкинлекләре турында фикер алыштылар. Шулай ук программалаштыру һәм IT-технологияләргә багышланган китаплар күргәзмәсе оештырылды, анда катнашучылар әлеге һөнәрне өйрәнү өчен файдалы әдәбият белән таныша алдылар. Китапханә яшьләрнең яңа белгечлекләр белән кызыксынуын актив рәвештә хуплый һәм цифрлы дөньяда кирәкле белем һәм күнекмәләрне үстерергә ярдәм итә.

12 сентябрь көнне Ике басу Арташ авыл китапханәсе «Дөньядагы бар нәрсә турында журнал һәм газетада»дигән вакытлы матбугат сәгате үткәрде. Өлкәннәр өчен китапханәгә керә торган вакытлы басмалар тәкъдим ителде. Китапханәче тәкъдим ителгән вакытлы матбугатка күзәтү үткәрде. Күп кенә кызыклы мәкаләләре булган журналлар күп кенә сорауларга җавап табарга ярдәм итә, аларда психологлар, юристлар, табиблар киңәшләре басыла. Вакытлы матбугатта укучыларны кулдан ясалган бизәнү әйберләре ясарга, шулай ук барлык кирәкле күнекмәләрне тасвирларга рухландырачак яхшы идеяләр күп. Вакытлы матбугатның сәгатьләре китапханәгә яңа укучыларны җәлеп итеп кенә калмый, ә китапханәнең мәгълүмати ресурсларында яхшырак ориентлашырга мөмкинлек бирә һәм вакытлы матбугатка килүчеләрнең кызыксынуын арттыра.

Саба туган якны өйрәнү музеенда бинаны капиталь ремонтлау эшләре дәвам итә. Сак системасын көйләү эшләре алып барыла.

Көз. Шагыйрьләр тасвирларга яраткан искиткеч вакыт. Календарьда 2024 елның 12 сентябt -  кояш җәйге кебек диярлек җылыта.Бу елның гаҗәеп һәм искиткеч вакыты! Бүген "Х.һәм А. Вәлиуллиннар исемендәге Саба балалар сәнгать мәктәбенең" укытучылары Газизова Гүзәл Равил кызы һәм Галиева Эльвира Раеф кызы һәм сәнгать бүлеге укучылары, район балалар китапханәсе хезмәткәрләре белән берлектә, Тукай паркында «Язучылар һәм шагыйрьләр әсәрләрендә көз» дигән иҗади - танып белү сәгате үткәрделәр.

Саба мәдәният йортының скрипка һәм  җырлау классы укытучылары Вәлиева Д.Р. һәм Давлиева Г. Р. үз укучылары өчен "Саба китаханәсенә" экскурсия үткәрделәр. Укучы музыкантлар татар һәм рус язучылары турында әңгәмә кордылар, шагыйрьләрнең шигырьләрен укыдылар, Абдулла Алиш һәм Муса Җәлил әкиятләрен искә төшерделәр.

Китапханәче балалар укыган китаплар буенча кызыклы викторина үткәрде.

12 сентябрь көнне  район үзәк китапханәсендә “Өлкәннәр” клубы өчен аек яшәү рәвешен сайлап алырга өндәүче “Яманлыкның башы эчкечелек” (11 сентябрь – Бөтенроссия аеклык көне) дип исемләнгән сәламәтлек сәгате үткәрелде, тематик күргәзмә оештырылды. Күргәзмәдә алкогольнең җимергеч көче, кешегә, гаиләгә, җәмгыятькә зыян китерүче  куркыныч авыруның килеп чыгу сәбәпләре, дәвалану  алымнары, шулай ук сәламәт яшәү рәвешен пропагандалаучы китаплар, газета-журналлар урын алды. Тема буенча әңгәмә, күргәзмәгә күзәтү үткәрелде. Чарага Саба шифаханәсе табиб-наркологы Илшат Галимҗан улы Мортазин чакырулы иде. Ул үзенең хезмәте турында эчтәлекле чыгыш ясады, өлкәннәребезнең сорауларына җавапларын бирде.

11 сентябрь кич "Тукай" паркында, балалар китапханәсенә килүче журналлар: Щенячий патруль, Мир техники, Принцесса белән таныштыру үткәрелде.

11 нче сентябрь көнне «Сыйныф очрашулары» бөтенроссия проекты кысаларында Сабаның «Тукай» паркында Саба үзәкләштерелгән китапханәләр системасы директоры Билалова Ләйсән Рәкыйп кызы белән очрашу үткәрелде. 
Ләйсән Рәкыйп кызы “Алдынгылар хәрәкәте” активистларын китапханә эшчәнлеге һәм алда торган бурычлар белән таныштырды. Чарада катнашучылар өчен районыбызның талантлы шәхесләренә багышланган «Әдәби як» күргәзмәсе оештырылган иде.  
 Әлеге очрашу укучыларга үзләренең тарихын һәм буыннарын яхшырак белү өчен бер этәргеч булды дип әйтергә мөмкин. Очрашу барлык катнашучылар өчен дә кызыклы һәм мавыктыргыч булды.