ЯҢАЛЫКЛАР

Татар халкының хәрәкәтле уеннары, халык фольклоры, традицияләре аша балаларда әхлакый сыйфатлар формалаштыру максатыннан Явлаштау авыл китапханәсе һәм мәдәният йорты хезмәткәрләре балаларга татар халык уеннары уйнаттылар. Балаларга онытылган уеннарны кайдан табу мөмкинлеге, уеннарның тәртибе турында мәгълүмат бирелде. Аннары “Зәлидә”, “Йөзек салыш”, “Биш парлы”, “Гөлбану”, “Утыр, утыр, Мәликә” кебек уеннар уйнатылды. Балаларга уеннар бик ошады. Бу уеннар балаларга вакытны күңелле уздырырга гына түгел, ә дуслык мөнәсәбәтләрен һәм коллектив рухын ныгытырга да мөмкинлек бирде.

Шәмәрдән модель һәм балалар китапханәсе «Читайка» клубы әгъзалары- «Үсеш» Шәмәрдән лицееның 3б сыйныфы укучылары өчен «Кечкенә балалар – зур хокуклар» квест - уены үткәрде. «Расшифруй «У меня есть право на …»,  «Я имею право…», «Мои права», «Криптограмма», «Правонарушения», «Заморочки», «Ребусы» тукталышларында укучылар Декларациянең төп нигезләмәләре белән таныштылар һәм квестта катнашып, үз белемнәрен ныгыттылар. Аннары китапханәчеләр тематик китап күргәзмәсенә күзәтү үткәрделәр.

30 октябрь көнне Саба үзәкләштерелгән китапханәләр системасы директоры Билалова Ләйсән Рәкыйп кызы Ш.Зиннуров исемендәге Сатыш урта мәктәбенең 2, 5 сыйныф укучылары өчен район китапханәсе буенча экскурсия үткәрде. Балалар китапханә тарихын игътибар белән тыңладылар, китап укучылар өчен яңа мөмкинлекләр белән таныштылар. Аннары Саба район балалар китапханәсе хезмәткәрләре “Әкиятләр илендә”дип исемләнгән интеллектуаль уен үткәрделәр. Укучылар “Китап ребусы”, “Әкиятне таны”, “Китап битләреннән”, “Уйла” һәм башка биремнәрне үтәп, үз белемнәрен, китап укыганнарын расладылар.  Чара “Муенса”, “Беләзек ясау” мастер-класслары белән тәмамланды.

Китапханәдә көзге каникуллар дәвам итә. 30 октябрь көнне Саба балалар китапханәсендә Саба гимназиясенең 3 “В”, «Г» сыйныф укучылары өчен “Уйлап тап”дип исемләнгән интеллектуаль уен уздырылды. Укучылар 2 командага бүленеп кызыклы, әкияти мавыктыргыч турлар аша үз белемнәрен, китап укыганлыкларын расладылар. Чара ахырында “брелок ясау” мастер-классында катнаштылар.

2024 елның 30 октябрендә Саба балалар сәнгать мәктәбенең музыка бүлеге укучылары өчен А. Кәримуллин исемендәге Саба үзәк район китапханәсенә "Укыганда дөньяны танып беләбез!" исеме астында экскурсия узды. Китапханә директоры Билалова Л.Р. укучыларны бина бусагасыннан каршы алды һәм китапханә тарихы турында киң әңгәмә үткәрде. Балалар кызыксынып һәм игътибар белән тыңладылар. Аудиторияләрдә, уку залында, конференц залда булдылар. Балалар бүлегендә Халикова А.Р. укучыларга уен-тестлар, логик фикерләүгә биремнәр үткәрде, бу балаларда кызыксыну уятты. Алар төрле сораштыруларда актив катнаштылар. Очрашу-экскурсия балалар өчен аңлаешлы һәм кызыклы булды, укучыларга китап белән якыннан аралашу кирәклеген, аның һәр кешенең дөньяга карашына уңай йогынты ясавын күрсәтте.

30 нчы октябрь көнне фортепиано укытучылары Зәйнетдинова З.З.һәм Хафизова Ч.Ф. укучылары белән берлектә СССР ның Халык артисты, күп кенә дәүләт премияләре иясе, театр артисты һәм чыгышы белән Миңгәр авылыннан булган күренекле шәхес, Шәүкәт Биктимеровның музеенда булдылар. Күптән түгел, 28 нче октябрьда артисның 96 еллыгын билгеләп үттеләр. Музей 2 залдан тора: Беренче залда узенең туып үскән йортының макеты булса, ә икенчесендә сәхнә тормышын чагылдырган күргәзмәләр һәм сәхнә костюмнары. Укучылар Шәүкәт Биктимеровның тормыш һәм иҗат юлы турында күп кенә кызыклы мәгълүматлар белделәр. Сәфәр балалар өчен кызыклы һәм мавыктыргыч булды.

30 октябрьдә Саба сәнгать мәктәбенең Шәмәрдән филиалында сәнгать бүлеге укытучысы Сафина Р.К. "Скетчинг" темасына мастер-класс үткәрде.

   Скетчинг - ул әйләнә-тирәдәге әйберләрне, предметларны һәм сюжетларны аңлаешлы, тәэсирле формада тиз ясау күнекмәсе. Скетчинг үз уйларын, идеяләрен һәм күзәтүләрен теркәргә, хис-кичерешләрен тапшырырга мөмкинлек бирә.

  Мастер-класста иҗат белән мавыккан балалар һәм рәсем ясауда бөтенләй тәҗрибәсез яшүсмерләр катнашты. Дәрес барышында катнашучылар яңа юнәлешне өйрәнделәр. Тесле карандашлар, пастель, акварель һәм линерлар кулланып эшләделэр.

Табигый формалар төзүне, композиция нигезләрен һәм перспективаларны өйрәнделэр, кабул итүгә рәсем ясадылар.

  Мастер - класс катнашучыларның иҗади потенциалын ачты, илһам һәм яңа уңай хис-кичерешләр бүләк итте!

2024 елның 29 октябрендә Олы Кибәче урта мәктәбе базасында мәктәп яны лагерена йөрүче балалар өчен «Оста куллар күңелсезлекне белми» дигән мастер-класс үткәрелде. Бу көнне балалар сәнгать дөньясы белән таныштылар. Мөгаен, һәр олы кеше балачакта үз куллары белән нәрсәдер булдырырга,иҗат итәргә хыяллангандыр. Бүген бу хыял чынга ашты. Балалар рәхәтләнеп алкалар, беләзекләр, шәмнәр ясадылар һәм онытылмаслык хис-кичерешләр алдылар.

30 октябрь көнне Шәмәрдән авыл һәм балалар китапханәләре балалар өчен «Һөнәрләр фестивале»дигән мавыктыргыч квест үткәрделәр. Китапханәчеләр уен аша, беренчедән, балаларның һөнәрләр дөньясының төрлелеге турында белемнәрен киңәйтергә, икенчедән, һөнәр сайлауда кызыксыну һәм җаваплылык хисе тәрбияләргә, өченчедән, һәр һөнәрнең мөһимлеген һәм кирәклеген аңларга ярдәм итәргә тырыштылар. Китапханәчеләр бик күп биремнәр әзерләгәннәр иде, балаларга һөнәрләр турында табышмакларны чишәргә, төрле биремнәрне үтәргә, пазллар төзергә кирәк иде. Чара барышында балалар үзләренең белемнәрен һәм осталыкларын бик яхшы күрсәттеләр.

Көзге каникул көннәрендә Явлаштау авыл китапханәсе «Китапханәдә күңелле сәгать» конкурс-уен программасы үткәрде. Балалар өстәл уеннары: лото, домино уйнадылар, пазллар җыйдылар, сканвордлар чиштеләр. Бу үзара аралашу һәм вакытны файдалы уздыруның яхшы ысулы булды.

Өстәл уеннары-эрудицияне үстерү, сүзлек запасын тулыландыру, логик фикерләүне яхшырту, шулай ук күңелле ял итү өчен яхшы ысул булды. Иң мөһиме, балалар өстәл уеннары аша җанлы аралаша алды, вакытларын кызыклы һәм файдалы үткәрделәр.