ЯҢАЛЫКЛАР

   Өлкәннәр көне уңаеннан Ленин мәдәният йортында  бәйрәм чарасы узды.Безнең приют әлеге проектта актив катнашты һәм кунакларга берничә мастер-класс тәкъдим итте: фитоплетень, макраме техникасы буенча үрү, тартмалар ясау һәм аларга милли үрнәкләр салу.Укытучыларыбыз кадерле өлкәннәребезне осталыкка  өйрәтте,ә алар, үз чиратында, бик теләп кул эшләре ясадылар.Бәйрәм бик күңелле узды.

22 сентябрьдә безнең районда ел саен көзге бәйрәм, Кабак бәйрәме уза. Традиция буенча, безнең приют та  Сабада узган бәйрәмдә актив катнашты. Дус коллектив һәм тәрбияләнүчеләр озак вакыт дәвамында күргәзмәгә әзерләнделәр: яфраклардан фотозона, кабактан эшләнмәләр ясадылар, ризыклар пешерделәр.

 21 сентябрьдә безнең приют Яңа проектны башлап җибәрде. Проектның максаты-тәрбияләнүчеләребезне игелеккә, ярдәмчеллеккә һәм ярдәмгә мохтаҗ булган һәркемгә ярдәм күрсәтүгә өйрәтү.

16 сентябрьдә безнең җирлектә 2023 елгы Милләтләр кроссы узды. Приют коллективы йөгерүдә актив катнашты һәм призлы урыннар алды. Жиңүләр белән котлыйбыз.

13 сентябрьдә безнең приютта ТР МТЗ һәм СЗ министры урынбасары Абдреева Юлия Ивановна булды. Министр урынбасарына тәрбияләнүчеләребезнең яңа эш кабинетлары, җиһазлары һәм эшләнмәләре тәкъдим ителде. Әңгәмә барышында Юлия Ивановна балигъ булмаганнар белән эшләгәндә киңәшләр бирде һәм яңа ысуллар белән уртаклашты, приют хезмәткәрләре белән сөйләште.

9 сентябрьдә "Тургай" приютында бөек язучы Л.Н.Толстойның 195 еллыгына багышланган чара узды.

Чара барышында тәрбияләнүчеләр бөек язучының биографиясе һәм иҗаты белән таныштылар. Барлык балалар да актив катнашты, вакыт күңелле узды.

10 августта безнең приютка "Газпром Трансгаз Казан"  вәкилләре һәм ЭПУ начальнигы Мөхетдинов И.И мотоциклларда килделәр, Алар безнең тәрбияләнүче балаларга мотоцикл йөртү буенча мастер-класслар күрсәттеләр һәм һәр бала мотоциклда утырып,үзен аны йөртүче ролендә күз алдына китерә алды. Кунакларыбыз балаларыбыз өчен искиткеч бүләкләр алып килделәр: өстәл уеннары, урам уеннары җыелмалары һәм уенчыклар. Балалар бик шатландылар!

Иганәчеләребезгә зур рәхмәтебезне белдерәбез, сәламәтлек һәм муллык телибез!

    30 август-Татарстан Республикасы көне. Бу истәлекле көнне безнең приютта тәрбияләнүчеләр бәйрәмгә багышланган хәйрия ярминкәсендә катнаштылар.

   Альпари һәм Казан шәһәре Башкарма комитетына хәйрия ярминкәсендә катнашуда һәм оештыруда мөмкинлекләр һәм ярдәм күрсәткәне өчен зур рәхмәт белдерәбез!

     Ел саен Татарстан Республикасы Хезмәт, халыкны эш белән тәэмин итү һәм социаль яклау министрлыгы, Чаллы шәһәре социаль яклау идарәсе һәм «Чаллы шәһәре» шәһәр округында  балалар һәм яшүсмерләр өчен социаль приютларда тәрбияләнүчеләр өчен «Робинзон» слеты уздырыла.

  24 августта безнең приют слетта катнашты һәм гомуми нәтиҗәләр буенча 3 урынны алды.

Россия Федерациясе флагының үз бәйрәме бар, аны 22 августта билгеләп үтәләр. Безнең приютта" Россия флагы көне " берничә этапта узды!