ЯҢАЛЫКЛАР

    Тәрбиячеләребез Зиганова Ләйсән, Башарова Рузилә, Дәвлетгараева Гөлфина  "Гаилә елы" кысаларында республика конкурсында катнаштылар. Конкурска алар үз эшчәнлекләрен чагылдырган видеоматериаллар тәкъдим иттеләр. Конкурс нәтиҗәләре буенча алар Грамоталарга лаек булдылар. Котлыйбыз һәм аларга уңышлар телибез!

   Масленица балалар өчен иң яраткан һәм күптән көтелгән бәйрәмнәрнең берсе. Масленицада коймаклар пешерәләр, шигырьләр сөйлиләр, җырлыйлар, табышмакларга җаваплар табалар, балалар өчен кызык конкурслар һәм эстафеталар оештыралар, бәйрәм ахырында карачкыны  яндыралар.Бәйрәм бик күңелле үтте.

    Безнең тәрбияләнүчеләр Бөтенроссия конкурсында катнаштылар һәм 2 дәрәҗә лауреат дипломнары алдылар: Кузьмин Артур ИЗО номинациясендә-педагог Давлиева В. Р., Уринова Шахризада халык биюе номинациясендә-педагог Гыйльфанова М. Г., Аглиева Разиля ДПИ номинациясендә - педагог Зиганова Л. М., Рубцова Владислава ДПИ номинациясендә - педагог Башарова Р. С., Гөбәйдуллина Алия ДПИ номинациясендә 1 дәрәҗә лауреат-педагог Дәүләтгәрәева Г.

  Гаилә кыйммәтләрен популярлаштыру максатыннан, 10 мартта  гаилә елына  багышланган чара узды. Чара күңелле һәм кызыклы үтте.

   9 мартта безнең ил кешелек тарихында беренче очыш ясаган СССР очучы – космонавты Юрий Алексеевич Гагаринның тууына 90 ел тулуны билгеләп үтә. Бу унайдан безнен приютта да космонавтка багышланган чара узды.

   Бәйрәм алдыннан безнең приютта 8 Мартка багышланган конкурс  узды. Ике  команда ярышты. Катнашучылар төрле конкурсларда үз осталыкларын күрсәттеләр. Бәйрәм бик күңелле узды.

   Россиядә мартның беренче якшәмбесендә ел саен әбиләр көне билгеләп үтелә. Без балалар белән бу көнне 6 мартта билгеләп үттек. Балалар җырлар җырладылар, биеделәр, ә аннары, командаларга бүленеп, конкурсларда көч сынаштылар.

Безнең приют педагоглары Татарстанда балалар һәм яшүсмерләр өчен социаль приютлар арасында "Без Татарстанның кечкенә патриотлары" һәм "Әкият дөньясы" дигән конкурста катнаштылар. Конкурс нәтиҗәләре буенча безнең педагоглар Мөхәммәтҗанова Лилия һәм Сибгатуллина Алсу җиңүче дипломнарына лаек булдылар. Котлыйбыз һәм алга таба да уңышлар телибез!

27 февральдә безнең приютта тәрбияләнүче Уразаева Зилә педагог Сибгатуллина Айсылу Мөбарәкҗан кызы җитәкчелегендә бөек татар Герой шагыйре Муса Җәлил иҗатына багышланган республика конкурсында катнашты. «Нәфис сүз» номинациясендә Уразаева Зилә 3 дәрәҗә лауреат дипломын алды.

    ТР биоресурслар буенча дәүләт комитеты "Мин һәм Кызыл китап"балалар эшләнмәләре конкурсын игълан итте. Саба районы "Тургай "балалар һәм яшүсмерләр өчен социаль приюты" 10 тәрбияләнүче педагоглар белән берлектә әлеге конкурсның муниципаль этабында актив катнашты.

22 февральдә район үзәк китапханәсендә Саба үзәк китапханәсе директоры Билалова Л.Р. җиңүчеләрне бүләкләде. Аннары балаларга яңартылган китапханә белән танышырга тәкъдим ителде. Шул вакытта алар китапханә һәм аның тарихы буенча кыскача экскурсия үткәрәләр.

Экскурсия тәмамлангач, балалар мастер-класс карадылар.