ЯҢАЛЫКЛАР

Бүген "Тургай" приютында тәрбияләнүчеләр белән "Хуш, көз"дигән темага рәсем конкурсы үткәрелде. Конкурсның максаты: балаларның табигатьтә сезонлы үзгәрешләр турында белемнәрен формалаштыру, көзнең характерлы билгеләре белән таныштыру. Иң яхшы рәсем ясау өчен балаларга бөтен фантазиясен һәм иҗади сәләтләрен күрсәтергә туры килде. Эшләр кызыклы, төсле килеп чыкты!

12 ноябрьдә «Без бергә» үзидарә күнекмәләрен үстерү программасын гамәлгә ашыру кысаларында чираттагы тапкыр "Бизнесмен көне"  узды. Балалар барысы да бик актив катнаштылар, күптөрле күнекмәләрен үстерделәр.

6 ноябрь көнне рус мәдәнияте декадасы кысаларында "Тургай" приютында күңелле фольклор кичәсе оештырылды.  Кичә кызыклы уеннар, биюләр белән аралаштырылып алып барылды һәм  бик күңелле  үтте. Балалар барлык уеннарда да бик теләп катнаштылар, бик күп җырлар һәм биюләр башкардылар.

»Тургай» приютында тәрбияләнүчеләр «Оста куллар»түгәрәгендә шөгыльләнәләр. "Оста куллар" түгәрәге программасын тормышка ашыру кысаларында тәрбияче Бәшәрова Р.С. җитәкчелегендә приютта тәрбияләнүчеләр белән гади һәм уңайлы сумкалар тегелгән.