ЯҢАЛЫКЛАР

   Приютта тәрбияләнүчеләр белән "Террорчылык - киләчәккә куркыныч"темасына түгәрәк өстәл уздырылды.Әлеге чара барышында тәрбияләнүчеләр террорчылык, экстремизм төшенчәләре турында  белемнәр тупладылар. Балалар террорчылыкның куркынычлыгы, аның җәмгыять һәм тулаем дөнья өчен нәтиҗәләре, шулай ук экстремизм таралуга китерә торган сәбәпләр турында фикер алыштылар. Киләчәккә мондый куркынычларны булдырмау өчен бердәмлек, үзара аңлашу һәм тату яшәүнең мөһимлегенә аерым игътибар бирелде. Диалогның мондый формасы тәрбияләнүчеләрдә гражданлык җаваплылыгы һәм җәмгыятьнең киләчәгенә аңлы мөнәсәбәт формалаштыруга ярдәм итә.

       Ватанны саклаучылар көне уңаеннан "Тургай" приютында " Ягез әле, егетләр!»дигән исем астында күңелле чара узды. Бәйрәм күңелле конкурслар, музыкаль номерлар һәм актив уеннар белән үрелеп барды. Уеннар  егетләргә үз көчләрен, җитезлекләрен һәм тапкырлыкларын күрсәтергә мөмкинлек бирде. Катнашучылар команда рухын һәм бер-берсенә ярдәм итә белүләрен күрсәтеп, төрле сынауларда көч сынаштылар. Бәйрәм рухын кызларның чыгышлары тулыландырып җибәрде. Чара Ватаныбызны саклаучылар арасында үзара ярдәм итүнең мөһимлеген ассызыклап, истәлекле бүләкләр тапшыру белән тәмамланды.

22 февральдә " Тургай «приютында  «Май чабу» бәйрәмен уздырдык! Бәйрәм бик күп кызыклы уеннар һәм сыйлар белән узды. Балалар күңел ачуларда рәхәтләнеп катнаштылар һәм бер-берсе белән шатландылар. Бигрәк тә балаларның үзләре коймак пешереп, кунакларны сыйлаулары күңелле мизгел булды. Атмосфера бик җылы һәм күңелле иде, ә катнашучыларның йөзләреннән елмаюлар китмэде . Бу озакка истә калырлык бик яхшы чара иде!

    Ватанны саклаучылар көне алдыннан приютта "Ватанны саклаучылар көненә открыткалар"акциясе оештырылды. Балалар күңел җылысы белән,   иҗади яктагн якын килеп открыткалар ясадылар.

    Шулай ук «Компьюшка» түгәрәгендә башлангыч класс  укучылары Ватанны саклаучылар көненә магнитиклар ясадылар. Балалар рәсемнәрне мөстәкыйль сайларга, документка куярга һәм принтер аша бастырырга өйрәнделәр. Бу аларга иҗатларын үстерергә һәм мөһим бәйрәм белән танышырга ярдәм итте.

     Саба муниципаль районы «Тургай» приютында даими рәвештә тәрбияләнүчеләр белән һөнәри юнәлеш бирү эше алып барыла. Балалар приют базасында гамәлгә ашырыла торган түгәрәкләргә рәхәтләнеп йөриләр. «Мыльные фантазии» сабын кайнату түгәрәгендә тәрбияләнүчеләр рәхәтләнеп иҗат итәләр, уникаль хуш исле шедеврлар тудыралар һәм һәр сабын кисәгендә үзләренең иң якты идеяләрен гәүдәләндерәләр.

      "Чудеса плетения " түгәрәге программасын гамәлгә ашыру кысаларында без тәрбияләнүчеләр белән ротангтан кашпо үрәбез.

        Шулай ук без туку станогында «тукучылык» техникасын өйрәнү проектын гамәлгә ашыра башладык. Балалар рәхәтләнеп яңа эшкә өйрәнә башладылар һәм зур кызыксыну белән яңа иҗатны өйрәнәләр. Тукучылык техникасын өйрәнү — ике җеп системасын үреп, тукыма ясауның мавыктыргыч процессы.

    «Тэмлетамак» түгәрәгенә йөрүчеләр  камыры әзерләү технологиясе һәм балалар яраткан «Сгущенкалы  чикләвек» әзерләү рецепты  белән таныштылар. Камырны үзләре болгаттылар, шарларны тәгәрәтеп, формада пешерделәр, аннары сгущенка белән тутырдылар. Әлбәттә, әзерләү процессыннан соң балалар кухняны чистарттылар, савыт-сабаны юдылар һәм җыештырдылар. Мондый практик дәресләр балаларның кулинария күнекмәләрен үстереп кенә калмыйча, аларны үз-үзләренә хезмәт күрсәтү һәм өйдә чисталык саклауның мөһим күнекмәләренә дә өйрәтә.

   Бөек татар шагыйре Муса Җәлилнең 120 еллыгы уңаеннан приютта тәрбияләнүчеләр аның  шигырьләренә   рәсемнәр ясадылар. Бу сәнгать әсәрләре аның шигъриятенең тирәнлеген һәм матурлыгын чагылдыра, Муса Җәлил иҗаты яшь буынны Ватанны саклауга рухландыра.

    Балалар шулай ук шагыйрьнең үзе язган яраткан шигырьләрен дә дулкынланып укыдылар . Аларның чын күңелдән башкарылуы шигъри сүзнең бөтен тирәнлеген һәм көчен чагылдырды, Муса Җәлил иҗатының мәңгелек кыйммәтен һәм аның яңа буыннарга тәэсирен искә төшерде.

    Ә мәктәпкәчә яшьтәге балалар белән шагыйрьнең биографиясе һәм иҗаты турында әңгәмә үткәрделәр, "Кызыл ромашка"шигырен сәхнәләштерделәр.

    Мондый укыту алымнары бөек шагыйрьнең истәлеген сакларга гына ярдәм итеп калмый, яшьләрне сәнгать аша аның әдәби мирасы белән дә таныштыра.

      Тылсымлы бәйрәм - Яңа ел  якынлашкач, безнен приют ишегалды могҗизалар һәм шатлык атмосферасы белән тулган бәйрәм киңлегенә әверелде. Без территорияне якты гирляндалар һәм уникаль декоратив элементлар белән бизәдек. Приют ишегалдының төп бизәге булып әкият геройлары тора.  Алар яраткан әкият һәм мультфильм герпойлары   җанланып әйләнә-тирәдә бәйрәм кәефен дә тудыра.      

     Мондый бизәлеш балаларга якынлашып килүче бәйрәм сихерен тоярга, могңизалар дөньясына чумарга һәм көндәлек мәшәкатьләрне онытырга ярдәм итә.

       2025 елның 1 декабреннән Россиядә инвалидлар декадасы старт алды. Шуңа бәйле рәвештә, 4 декабрь көнне безнең приютта тәрбияләнүчеләр , тәрбиячеләре Саетова Г.Б.һәм Солтанова Р.Д. җитәкчелегендә "Лесхоз картлар һәм инвалидлар  интернат-йортында" булдылар. Алар мөселман һәм православие тәсбихе  ясау буенча мастер-класс үткәрделәр. Интернат-йортта яшәүчеләр бик канәгать калдылар. Безнең гомуми игътибарыбызга һәм мәхәббәтебезгә мохтаҗ булган кешеләр янында үткән бу көн беркемне дә битараф калдырмады.

    5 нче декабрьдә, инвалидлар декадасы кысаларында, тәрбиячеләр В.Р.Давлиева һәм Р.Д. Солтанова белән берлектә, бездә тәрбияләнүчеләр Югары Утар балалар интернат-йортында булдылар.  Алар Яңа елга  булмәләр бизәү  буенча мавыктыргыч мастер-класс үткәрделәр. Балалар зур кызыксыну белән бәйрәмчә бизәнү әйберләре булдырдылар. Бу иҗади күнекмәләрне үстерүгә һәм дустанә элемтәләрне ныгытуга ярдәм итте. Чара җылы һәм ягымлы атмосферада узды, катнашучыларга аралашу һәм уртак иҗат шатлыгы бүләк итте. Мондый тәҗрибә Яңа ел алдыннан матур һәм истә калырлык вакыйга булды.