ЯҢАЛЫКЛАР

Автоном коммерцияле булмаган «Балкыш»-(Сияние)  тернәкләндерү үзәгендә  ЛФК инструкторы  тарафыннан “Скандинавия  йөреше” технологиясе нигезендә социаль хезмәт алучыларга физик күнегү дәресләре үткәрелә.

3 нче  апрель көнне Лесхоз өлкәннәр һәм  инвалидлар өчен интернат йортында вак моториканы яхшырту буенча индивидуаль күнекмәләр үткәрелде.

Бу күнекмәләр хәрәкәт координацияләрен үстерүгә ярдәм итә, сенсомотор активлыкны яхшырта, буыннарның сыгылмалылыгын һәм хәрәкәтчәнлеген арттыра.

  Безнең мәктәпкәчә яшьтәге тәрбияләнүчебез Алиева Руфина республика иҗат эшләре конкурсында икенче урынны алды.

Безнең тәрбияләнүче балалар Икшермә кадет мәктәбен тәмамлаучы, Украина территориясендә махсус хәрби операциядә катнашучы Кирилл Александрович белән очраштылар.

Мартта без мәктәпкәчә яшьтәге балалар белән  Бөтенроссия конкурсында катнаштык. Балалар плакатны традицион булмаган ысул белән - кечкенә куллары белән ясадылар. Тәрбияләнүче Гөбәйдуллин Адель   II дәрәҗә диплом алды. Чын күңелдән котлыйбыз!

28 мартта Балалар белән Теләче авылындагы «Батыр» боз сараенда булдык. Сарай хезмәткәрләре, матур елмаеп һәм яхшы сүзләр әйтеп, балаларыбызны каршы алдылар һәм аларны бинаның төп боз аренасына озаттылар. Балалар боз өстендә рәхәтләнеп вакыт үткәрделәр!

     27 мартта безнең тәрбияләнүчеләр Теләче районында урнашкан "Дулкын" бассейнында булдылар.

Балалар өчен мондый сәяхәтләр һәрвакыт зур шатлык. Безне игелекле бассейн хезмәткәрләре каршы алды, инструктаж үткәрде, киенү бүлмәләре, душ бүлмәләре күрсәтте. Аларга зур рәхмәт!

Йөзү - бөтен организмга бик файдалы булган матур спорт төре. Ул сәламәтлекне ныгыта, чыдамлыкны арттыра, сыгылмалылыкны үстерә, эшчәнлекне арттыра.

Автоном коммерцияле булмаган «Балкыш»-(Сияние) тернәкләндерү үзәгендә Янгынга каршы отрядының Шәмәрдән авылын саклау буенча аерым пост башлыгы Гатиятов Р.Р. социаль хезмәт алучылар, үзәк хезмәткәрләре өчен янгын куркынычсызлыгы буенча инструктаж үткәрде. Анда гадәттән тыш хәлләр вакытында үзеңне ничек тотарга кирәклеге турында җентекләп сөйләде.