ЯҢАЛЫКЛАР

27 нче мартта Лесхоз  өлкәннәр  һәм  инвалидлар өчен  интернат йортында  яшәүчеләр  медицина  тикшерүе  уттеләр.

   Социаль  хезмәт  алучыларны  Саба  район хастаханәсендә  эшләүче табиблар:  хирург,  уролог,  отоларинголог, гинеколог,  окулист, терапевт һәм башка  белгечләр  тикшерде. Медицина  тикшеруе    буенча  тиешле  дәвалау һәм медицина  процедуралары  билгеләнде.

Нәүрүз-яз һәм кояш бәйрәме. 26 мартта безнең приютта да Нәүрүз бәйрәме узды. Кунакка Нәүрүз-яз килде. Төрле уеннар үткәрелде. Капчыкларда йөгерү, кашыкка йомырка куеп йөгерү һәм башка уеннарда катнашты балалар. Балалар бик рәхәтләнеп ял итте. Ахырдан кунаклар алып килгән тэмле ризыклар белән сыйландылар. Бәйрәм бик күңелле үтте.

    «Тургай» приютында   25 мартта - балалар һәм яшүсмерләр китабы атналыгы башланды.  Балалар тәрбиячеләре белән бергә авыл китапханәсенә экскурсиягә бардылар. Алар анда китаплар белән  танышып чыктылар. Атналык төрле-төрле чараларларга бай булып үтә.

   Кичә приютта тәрбияләнүчеләрне авыл мәчетендә узган ифтарга чакырдылар. Рафикъ хәзрәт, балаларыбызны шатланып каршы алды, Рамазан ае турында сөйләде.

Догадан соң барлык кунакларны өстәл янына чакырдылар. Кичәнең төп сыйлыгы булып традицион мөселман ризыклары  торды.

Безнең тәрбияләнүчеләр, тәрбияче Дәүләтгәрәева Гөлсинә Зөфәр кызы җитәкчелегендә, республика бәйгесендә катнаштылар. «Идел буе халыклары чишмәләре " иҗат конкурсы төбәкара фәнни-гамәли конференция кысаларында үткәрелде.  Һәр номинациядә балалар призлы урыннар алды.

Катнашучыларны һәм аларның җитәкчесен җиңүләре белән котлыйбыз һәм алга таба да уңышлар телибез!

21 мартта Даун синдромы белән Халыкара кеше көне билгеләп үтелә.

Бу көн уңаеннан "Тургай" приюты тәрбияләнүчеләре "Югары Утар балалар интернат-йортына" бардылар. Бу очрашуга балалар алдан, тырышып әзерләнделәр.Алар анда мастер –класс үткәрделәр.

Автоном коммерцияле булмаган «Балкыш»-(Сияние) тернәкләндерү үзәгендә хезмәт инструкторы тарафыннан «Җитез куллар» программасы нигезендә дәресләр уткәрелә. 

    Тәрбиячеләребез Зиганова Ләйсән, Башарова Рузилә, Дәвлетгараева Гөлфина  "Гаилә елы" кысаларында республика конкурсында катнаштылар. Конкурска алар үз эшчәнлекләрен чагылдырган видеоматериаллар тәкъдим иттеләр. Конкурс нәтиҗәләре буенча алар Грамоталарга лаек булдылар. Котлыйбыз һәм аларга уңышлар телибез!

   Масленица балалар өчен иң яраткан һәм күптән көтелгән бәйрәмнәрнең берсе. Масленицада коймаклар пешерәләр, шигырьләр сөйлиләр, җырлыйлар, табышмакларга җаваплар табалар, балалар өчен кызык конкурслар һәм эстафеталар оештыралар, бәйрәм ахырында карачкыны  яндыралар.Бәйрәм бик күңелле үтте.