ЯҢАЛЫКЛАР

   Бәйрәм алдыннан безнең приютта 8 Мартка багышланган конкурс  узды. Ике  команда ярышты. Катнашучылар төрле конкурсларда үз осталыкларын күрсәттеләр. Бәйрәм бик күңелле узды.

   Россиядә мартның беренче якшәмбесендә ел саен әбиләр көне билгеләп үтелә. Без балалар белән бу көнне 6 мартта билгеләп үттек. Балалар җырлар җырладылар, биеделәр, ә аннары, командаларга бүленеп, конкурсларда көч сынаштылар.

Халыкара хатын-кызлар көнен бәйрәм итү кысаларында, Лесхоз интернат-йортында «Ягез әле әбиләр-кызлар» конкурсы уздырылды.

Бу искиткеч язгы бәйрәм белән хатын-кызларыбызны котладылар. Чәчәкләр һәм бүләкләр бирделәр. Безнең әбиләр һәм интернат-йорт хезмәткәрләре тюльпан бәйләме бүләк иткән хәйрияче Ибраһимов Эльмир Рамиль улына зур рәхмәт белдерделәр.

Янәшәдә игелекле һәм ваемсыз булмаган кешеләр булуы яхшы, алар онытмый һәм һәрвакыт ярдәм итәргә әзер!

Автоном коммерцияле булмаган «Балкыш»-(Сияние) тернәкләндерү үзәгендә, социаль-юридик хезмәт күрсәтү кысаларында, контроль-инспекция бүлеге консультанты Фәрхуллин Рөстәм Рәис улы белән очрашу булды. 

Халыкара хатын-кызлар көнен бәйрәм итү кысаларында, без Лесхоз интернат – йорты хезмәткәрләре «Интернатта яшәүче әбигә чәчәк бүләк ит» дигән акциясен уздырырга булдык. Безнең белдерүгә игелекле булган кешеләр җавап бирде.

Бүген безгә Кукмара районыннан, Кукмара шәһәреннән «Мәхәббәт белән дигән чәчәк салоны» шәхси эшмәкәр Шәрипова Алсу Закировна матур чәчәк бәйләмнәре алып килде. Әбиләребезне бу искиткеч язгы бәйрәм белән котладык. Безнең әбиләребез хәйриячеләргә зур рәхмәт белдерделәр.

Янәшәдә игелекле һәм ваемсыз булмаган кешеләр булуы яхшы!

Безнең приют педагоглары Татарстанда балалар һәм яшүсмерләр өчен социаль приютлар арасында "Без Татарстанның кечкенә патриотлары" һәм "Әкият дөньясы" дигән конкурста катнаштылар. Конкурс нәтиҗәләре буенча безнең педагоглар Мөхәммәтҗанова Лилия һәм Сибгатуллина Алсу җиңүче дипломнарына лаек булдылар. Котлыйбыз һәм алга таба да уңышлар телибез!

  Автоном коммерцияле булмаган «Балкыш»-(Сияние)  тернәкләндерү үзәге көн саен социаль хезмәт алучылар  белән ял сәгатьләрендә куңелле чаралар үткәреп бара.

28  нче  февральдэ Лесхоз өлкәннәр һәм  инвалидлар йортында вак моториканы яхшырту буенча индивидуаль күнекмәләр үткәрелде.

     Күп функцияле «Дон» комплексы бу күнекмәләрне үткәрү өчен бик яхшы чишелеш. Ул хәрәкәт координацияләрен үстерүгә ярдәм итә, сенсомотор активлыкны яхшырта, буыннарның сыгылмалылыгын һәм хәрәкәтчәнлеген арттыра.

    "Дуга"дигән  элемент - горизонталь нигездә теркәлгән, кидерелгән боҗралы дуга рәвешендәге штанга. Күнегү  барышында социаль  хезмәт алучы боҗраларны башта  бер  якка, аннары кирегә күчерә. Дуга контроле астында  төгәл хәрәкәтләр  башкарыла.

    "Лабиринт" элементы төрле формалы каналлар һәм өзекләр белән эшлэнгән  такта  формасында. Кунегүнен  максаты: канал буйлап стержень белән хәрәкәт итү һәм аны канал ахырында гына чыгару. Күнегүләр ябык күзләр белән дә башкарыла, бу күпкә катлаулырак, әмма мускуллар хәтерен өйрәтергә мөмкинлек бирә.

27 февральдә безнең приютта тәрбияләнүче Уразаева Зилә педагог Сибгатуллина Айсылу Мөбарәкҗан кызы җитәкчелегендә бөек татар Герой шагыйре Муса Җәлил иҗатына багышланган республика конкурсында катнашты. «Нәфис сүз» номинациясендә Уразаева Зилә 3 дәрәҗә лауреат дипломын алды.