ЯҢАЛЫКЛАР

Автоном коммерцияле булмаган «Балкыш»-(Сияние) тернәкләндерү үзәгендә Янгынга каршы отрядының Шәмәрдән авылын саклау буенча аерым пост башлыгы Усманов Р.Д. социаль хезмәт алучылар өчен янгын куркынычсызлыгы буенча инструктаж үткәрде. 

13 декабрьдә Лесхоз өлкәннәр һәм инвалидлар өчен интернат йортында, хезмәт инструкторы җитәкчелегендә, “Пайеткалардан картина” дигән темага “Трудотерапия” социаль-тернәкләндерү технологиясе үткәрелде. Пайеткаларны куллану кулларның вак моторикасын һәм иҗади сәләтләрне үстерүгә ярдәм итә.

 8 декабрьдә Саба район мәдәният йортында сәламәтлекләре чиклеләр өчен “Кыш бабай бәйрәмгә чакыра”дип исемләнгән Яңа ел чыршысы үткәрелде. Лесхоз өлкәннәр һәм инвалидлар очен интернат  йорты социаль хезмәтләр алучылары бәйрәмдә катнаштылар һәм Рәхмәт хатлары белән бүләкләнделәр.

8 декабрьдә өлкәннәр һәм инвалидлар өчен Лесхоз интернат-йортында үзләренең хәйрия концертлары белән Кукмара районы  Арбаш  авыл клубы коллективы чыгыш ясады. Концерт программасы популяр җырларны, төрле һәм якты бию чыгышларын үз эченә алды. Өлкән яшьтәге кешеләрнең шатлыклы йөзләре чарада катнашучылар өчен иң югары бүләк булды. Өлкәннәребез  турында мондый кайгырту җәмгыять тормышының аерылгысыз өлеше булып тора һәм өлкән яшьтәге кешеләргә тормыш ышанычын бирә.

Инвалидлар Декадасы кысаларында, Саба районы "Балкыш" халыкка комплекслы социаль ярдәм күрсәтү үзәгенең гаилә һәм балаларга социаль ярдәм күрсәтү бүлекчәсе белгечләре мөмкинлекләре чикле балалар өчен татлы бүләк ясау буенча мастер-класс үткәрделәр. Мастер-класстан соң эмоциональ халәтне, үз-үзеңне көйләү күнекмәләрен формалаштыру өчен бүлек психологы тренинг оештырды. Уңай эмоцияләр өчен балалар белгечләргә рәхмәт белдерделәр һәм бик канәгать калдылар.

Инвалидлар декадасы кысаларында, «Югары Утар психик тайпылышлары булган гражданнар өчен балалар интернат-йорты» дәүләт казна учреждениесе тәрбияләнүчеләре төрле ярышларда катнаштылар.

8 декабрьдә тәрбияче җитәкчелегендә картлар һәм инвалидлар өчен Лесхоз интернат-йортында социаль хезмәтләр алучылар белән "Солдатка хат" акциясе уздырылды. Акция барышында Украинада махсус хәрби операциядә катнашучы Россия армиясе хәрбиләренә хатлар язылды. Хатларда хәзерге вакытта фидакарьлек белән хәрби бурычларны үтәүчеләргә рәхмәт сүзләре, сәламәтлек һәм тизрәк өйләренә кайту теләген җиткерделәр.

8 нче декабрьдә «Югары Утар психик тайпылышлары булган гражданнар өчен балалар интернат-йорты» дәүләт казна учреждениесендә «Юл хәрәкәте куркынычсызлыгы» дип исемләнгән танып белү чарасы узды.

6 декабрь көнне Инвалидлар декадасы уңаеннан, Саба районы “Балкыш” халыкка комплекслы социаль ярдәм күрсәтү үзәгенең гаилә һәм балалар белән эшләү бүлекчәсе  белгечләре, Яшьләр һәм спорт булеге, ТРның Саба районы иҗтимагый һәм Бөтен Россия инвалидлар жәмгыяте оешмасы белән берлектә, Сәләтле балалар өчен мәктәп-интернатында Саба районының мөмкинлекләре чикле булган балалар очен шашка турниры уткәрделәр. Бу дусларча ярышта шашка белән мавыгучы барлык балалар да катнашты. Беренче карашка авыр булып тоелса да, балалар уз көндәшләре белән көч сынашып, интеллектуаль осталыкларын, фикерләү сәләтен арттырдылар. Балалар  бик теләп катнаштылар, ярыш жылы атмосферада үтте.

Бәйрәм азагында һәр катнашучыга акчалата буләкләр, истәлекле дипломнар тапшырылды.

Бүген “Балкыш” социаль хезмәт күрсәтү үзәге” дәүләт автоном социаль хезмәт күрсәтү учреждениесе базасында Саба муниципаль районында, инвалидлар декадасын үткәрү кысаларында, инвалидлар һәм инвалид балалар тәрбияләүче инвалидларның гаиләләре мәсьәләләре буенча фикер алышуга багышланган “Түгәрәк өстәл” булып узды. Анда Саба муниципаль районы Башкарма комитеты аппараты җитәкчесе, социаль яклау бүлеге башлыгы, Саба шәһәр җирлеге башлыгы, "Торак милекчеләре ширкәтләренә хезмәт күрсәтү үзәге" ҖЧҖ генераль директоры, халыкка социаль хезмәт күрсәтү үзәге, халыкны эш белән тәэмин итү үзәге, сәламәтлек саклау, Россия социаль фонды вәкилләре, “Таттехмедфарм” дәүләт челтәре рәисләре, “Татарстан Республикасы инвалидлар җәмгыяте” Саба республика оешмасы рәисләре, “Кызыл Хезмәт инвалидлары җәмгыяте” Бөтенроссия иҗтимагый оешмасы рәисләре катнашты.