ЯҢАЛЫКЛАР

«Лесхоз өлкәннәр һәм инвалидлар йортында » вак моториканы яхшырту өчен  даими  рәвештә дәресләр уздырыла. Вак  моториканы  яхшырту  дәресләре, баш миенең нинди дә булса җәрәхәт алган очракларда  киңәш ителә. Мондый күнегүләр хәтер белән нинди дә булса проблемалар булган кешеләргә дә ярдәм  итә. Әмма сәламәт кешеләргә дә  бу  күнегүләрдән баш тарту  дөрес  тугел. Бу күнегүләр  хәтерне  ныгытырга, иҗади  сәләтне арттырырга бик нык  ярдәм  итәләр.

Бүген Халыкара гаилә көне. Бу безнең һәрберебезгә кагылышлы иң якты бәйрәмнәрнең берсе. Гаилә-бүгенге җәмгыятьнең төп кыйммәте. Гаилә-димәк син ялгыз түгел.

15 майда безнең приютта гаилә көненә багышланган бәйрәм узды. Бәйрәмгә тәрбияләнүчеләрнең әти-әниләре чакырылган иде.

Халыкара гаилә көнендә Югары Утар балалар интернат-йортының "Хәтер бакчасында" агачлар утыртылды.

15 май көнне Халыкара гаилә көнендә Саба районы «Балкыш» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм күрсәтү бүлекчәсе белгечләре узләрендә исәптә торган гаиләләргә һәм шушы гайләдә тәрбияләнүче балаларга  Н.М. Миңнеханов исемендәге дендрология бакчасына һәм Лесхоз бистәсендәге «Колокол» музеена экскурсия оештырдылар.

Экскурсиядә катнашучылар дендрологик бакчада үсемлекләрнең һәм агачларның күплегенә сокланып карадылар. Биредә тырыш урман хуҗалыгы хезмәткәрләре 11,25 гектарда матур ландшафт булдырып, Ерак Көнчыгыш, Европа һәм Азиянең күп кенә үсемлек төрләрен утыртканнар. Бакчада банан һәм ананасның ничек үсүен үз күзләрең белән күрергә, кактуслар коллекциясенә сокланырга, пальма фонында фотога төшәргә һәм Буадагы балыкларны күзәтергә мөмкин.

Дендрарий аллеялары буйлап йөргәннән соң экскурсоводлар юлны Лесхоз бистәсенең район мәдәният йортында урнашкан «Колокол» музеена алалар. Музей җитәкчесе кунакларны җылы каршы алды һәм кыңгырауларның барлыкка килү тарихы турында сөйләде, музейның барлыкка килү тарихы белән таныштырды. Катнашучылар зур кызыксыну белән тыңладылар һәм сораулар бирделәр. Алар кыңгырауларның православие дине генә түгел, ә коеп салу осталыгының да кыйммәтле тарих һәм мәдәният һәйкәлләре булуын беләләр. Һәр кыңгырауның үз уникаль яңгырашы бар. Социаль хезмәт алучылар моңа үзләре инандылар, чөнки монда кыңгыраулар шалтыратырга рөхсәт итәләр. Музейга килгәч, кунаклар кыңгыраулар турында күп кызыклы нәрсәләр белделәр, кыңгырау тавышын зур рәхәтлек белән тыңладылар.

Экскурсия балаларга да, өлкәннәргә дә бик ошады. Табигатькә сокланып, тарих һәм мәдәният һәйкәлләрен өйрәнеп, алар җан -тән белән рәхәтләнеп ял иттеләр.

Ел саен 15 майда бөтен дөньяда Халыкара гаилә көне билгеләп үтелә.Гаиләдә кеше тормышы башлана, монда аның граждан буларак формалашуы бара.Гаилә-мәхәббәт , хөрмәт , бердәмлек һәм ярату чыганагы.

15 майда Лесхоз картлар һәм инвалидлар өчен интернат-йортында, тәрбияче җитәкчелегендә,  социаль хезмәтләр алучылар белән,  гаилә парлары бергәләп «Гаилә бәхете» дип аталган рәсем ясадылар. Ир-егетләр яраткан парларына чәчәкләр бүләк иттеләр.

    Приютта "Гаилә - минем байлыгым" дигән темага  балаларның  рәсем  конкурслары  узды. Флористика программасы кысаларында балалар фотозона ясадылар. Фотозона бик матур килеп чыкты. Балалар мондый конкурсларда бик теләп катнашалар.

8-нче май көнне тәрбияләнүчеләр, тәрбиячеләр һәм  директор Хуҗин М.М. балалар интернат-йорты территориясендә һәм Корсабаш авыл җирлегендә үткәрелгән митингларда катнаштылар.

Бүген социаль хезмәт күрсәтү үзәгенең медицина хезмәткәре Мавлявиева Гөлшат "Тәрбия мәктәбе" юнәлеше буенча социаль хезмәткәрләр өчен дәресләр үткәрде

Бүген безнең тәрбияләнүчеләр Казан шәһәрендәге Союзмультпаркта булдылар.

 Иганәчеләребезгә, балаларыбыз өчен шундый күңелле ял оештырганнары өчен зур рәхмәт!

Бүген безнең балалар "Бизәкле перәннекләр" мастер-классында катнаштылар, һәм алар үзләренә кулинария шедеврын булдыру мөмкинлеге алдылар. Башта балаларга перәннекне ясау процессы һәм татлы глазурь составы турында сөйләделәр. Шуннан соң төркем рәсем остаханәсенә әверелә. Балалар зур энтузиазм белән эшне башладылар, аларның һәрберсе мөмкин кадәр матуррак һәм кызыклырак итеп үз перәннекләрен буярга тырышты.Перәннекләр искиткеч матур һәм тәмле булды.