ЯҢАЛЫКЛАР

27 нче мартта Лесхоз  өлкәннәр  һәм  инвалидлар өчен  интернат йортында  яшәүчеләр  медицина  тикшерүе  уттеләр.

   Социаль  хезмәт  алучыларны  Саба  район хастаханәсендә  эшләүче табиблар:  хирург,  уролог,  отоларинголог, гинеколог,  окулист, терапевт һәм башка  белгечләр  тикшерде. Медицина  тикшеруе    буенча  тиешле  дәвалау һәм медицина  процедуралары  билгеләнде.

15 мартта Лесхоз өлкәннәр һәм инвалидлар өчен интернат-йортында социаль хезмәтләр алучылар Россия Федерациясе Президентын сайлауда актив катнаштылар. Һәр тәрбияләнүче тавыш бирү хокукыннан файдаланды.

13 мартта Лесхоз өлкәннәр һәм инвалидлар өчен интернат-йортында тәрбияче җитәкчелегендә социаль хезмәтләр алучылар белән, пластилиннан чәчәкләр ясау дәресе узды. Бу кулларның вак моторикасын үстерүгә, кул хәрәкәтләрен, иҗади фантазияне координацияләүгә ярдәм итә.

Халыкара хатын-кызлар көнен бәйрәм итү кысаларында, Лесхоз интернат-йортында «Ягез әле әбиләр-кызлар» конкурсы уздырылды.

Бу искиткеч язгы бәйрәм белән хатын-кызларыбызны котладылар. Чәчәкләр һәм бүләкләр бирделәр. Безнең әбиләр һәм интернат-йорт хезмәткәрләре тюльпан бәйләме бүләк иткән хәйрияче Ибраһимов Эльмир Рамиль улына зур рәхмәт белдерделәр.

Янәшәдә игелекле һәм ваемсыз булмаган кешеләр булуы яхшы, алар онытмый һәм һәрвакыт ярдәм итәргә әзер!

Халыкара хатын-кызлар көнен бәйрәм итү кысаларында, без Лесхоз интернат – йорты хезмәткәрләре «Интернатта яшәүче әбигә чәчәк бүләк ит» дигән акциясен уздырырга булдык. Безнең белдерүгә игелекле булган кешеләр җавап бирде.

Бүген безгә Кукмара районыннан, Кукмара шәһәреннән «Мәхәббәт белән дигән чәчәк салоны» шәхси эшмәкәр Шәрипова Алсу Закировна матур чәчәк бәйләмнәре алып килде. Әбиләребезне бу искиткеч язгы бәйрәм белән котладык. Безнең әбиләребез хәйриячеләргә зур рәхмәт белдерделәр.

Янәшәдә игелекле һәм ваемсыз булмаган кешеләр булуы яхшы!

28  нче  февральдэ Лесхоз өлкәннәр һәм  инвалидлар йортында вак моториканы яхшырту буенча индивидуаль күнекмәләр үткәрелде.

     Күп функцияле «Дон» комплексы бу күнекмәләрне үткәрү өчен бик яхшы чишелеш. Ул хәрәкәт координацияләрен үстерүгә ярдәм итә, сенсомотор активлыкны яхшырта, буыннарның сыгылмалылыгын һәм хәрәкәтчәнлеген арттыра.

    "Дуга"дигән  элемент - горизонталь нигездә теркәлгән, кидерелгән боҗралы дуга рәвешендәге штанга. Күнегү  барышында социаль  хезмәт алучы боҗраларны башта  бер  якка, аннары кирегә күчерә. Дуга контроле астында  төгәл хәрәкәтләр  башкарыла.

    "Лабиринт" элементы төрле формалы каналлар һәм өзекләр белән эшлэнгән  такта  формасында. Кунегүнен  максаты: канал буйлап стержень белән хәрәкәт итү һәм аны канал ахырында гына чыгару. Күнегүләр ябык күзләр белән дә башкарыла, бу күпкә катлаулырак, әмма мускуллар хәтерен өйрәтергә мөмкинлек бирә.

Лесхозның картлар һәм инвалидлар өчен интернат-йортында социаль хезмәтләр алучылар белән «Солдатка хат» акциясе уздырылды.

Үз хатларында хәрбиләргә, махсус хәрби операциядә катнашучыларга, социаль хезмәтләр алучылар авыр хәрби хезмәт, батырлык өчен ярдәм һәм рәхмәт сүзләре җиткерделәр.

Хатларында алар сугышчыларны 23 февраль бәйрәме белән җылы котлыйлар һәм аларга тизрәк өйләренә кайтуларын телиләр.

22 февральдә, Ватанны саклаучылар көне алдыннан,  Лесхоз мәдәният йорты хезмәткәрләре Лесхоз интернат-йортының социаль хезмәтләр алучылары өчен бәйрәм концерты оештырдылар.

 21 февральдә Лесхоз өлкәннәр һәм инвалидлар өчен интернат-йортында Ватанны саклаучылар көне уңаеннан, социаль хезмәтләр алучылар, тәрбияче белән берлектә, открыткалар ясап, ир-атларга бүләк иттеләр.

17 февральдә Сәламәтлек мөмкинлекләре чикләнгән спортчылар арасында чаңгы ярышлары буенча Татарстан Республикасы Чемпионаты узды. Бу чемпионатта өлкәннәр һәм инвалидлар өчен Лесхоз интернат-йорты исеменнән социаль хезмәтләр алучы Заһидуллин Рөстәм Ибраһимович чыгыш ясады, ул 1 урынны алды. Заһидуллин Рөстәмне шундый зур казанышлары белән чын күңелдән котлыйбыз.