ЯҢАЛЫКЛАР

13 майда тернәкләндерүнең техник чараларын кулланып, өлкән яшьтәге гражданнарга һәм инвалидларга социаль хезмәт күрсәтүче учреждение хезмәткәрләре өчен укыту дәресләре үткәрү графигы эшләнде.

 19 майда эшләнгән график буенча «Карау мәктәбе»технологиясе кысаларында укулар башланды. Халыкны эш белән тәэмин итү һәм социаль яклау министрлыгының Саба муниципаль районындагы «Балкыш  учреждениесе медицина хезмәткәре Мәүләвиева Г.Т.  өлкән яшьтәге кеше организмының үзенчәлекләре. Йокы, туклану, актив ял оештыру: физик активлык, аралашу. Өлкән кешеләрнең психологик үзенчәлекләре»дигән темага лекция һәм практика уздырды.

28 нче декабрь көнне Лесхоз картлар һәм инвалидлар өчен интернат – йортында бер сулышта өлкәннәр өчен Яңа ел бәйрәме узды. Тычканнарны Иске ел буларак озаттык, Үгезне - Яңа ел символы итеп  каршы алдык. Убырлы карчык та кунаклар арасында иде. Кыш бабай белән Кар Кызы кәнфитләрен өләштеләр. Җырлар җырланды, чегән кызы Ермолаева Светлана  үзенең биюен биеп күрсәтте. Өлкәннәр бик канәгать калдылар, Яңа елны күңелле итеп оештырган өчен рәхмәт белдерделәр.

 Инде тиздән Яңа ел -  чын могҗизалар чоры. Бәйрәм алдыннан без  яхшылык эшләү йөзеннән, Лесхоз картлар һәм инвалидлар өчен интернат - йорты коллективы белән бергә, мин - культорганизатор Мөбәрәкшина Г.Г. - Кар кызы буларак интернат - йорт карамагындагыларны өлкәннәрне  котларга юл тоттык, бүләкләр өләшеп чыктык. Барлык социаль хезмәт алучылар да бик канәгать калдылар, күрсәтелгән игътибарга һәм кайгыртуга рәхмәтләрен белдерделәр, чөнки бу алар өчен иң мөһиме!

2020 елның  23нче  декабрендэ “Лесхоз ДИПИ” дәуләт  автоном социаль хезмәт   курсәтү учреждениясендә дәвалану физик  культурасы  инструкторы  Хасбиева Г.Р.  интернатта  аз  хәрәкәтләнүчеләр  белән  эрготерапия  дәресе  үткәрде.

 Дәреснең максаты: кулларның вак моторикасын яхшырту, аралашу һэм  кәефне яхшырту

     Бүген хезмәт буенча инструктор Аглямова  Л.И. җитәкчелегендә «Трудотерапия» социаль тернәкләндерү технологиясе үткәрелде.Мастер - классның темасы : “Төсле җепләрдән картина ясау” . Максатлары :  вак кул моторикасын яхшырту, хезмәт эшчәнлегенә мотивация формалаштыру.

Лесхоз өлкәннәр һәм инвалидлар йортында, инвалидлар декадасы уңаеннан, көн дә күңелле җыр кичәләре үтеп тора. Чөнки мондый кичәләр өлкәннәребез күңеленә хуш килә. 8 нче декабрь көнне дә безнең йорт гармун тавышына күмелде. Урын өстендә ятучылар белән дә бу көнне күңелле җырлар аудиоязмадан тыңланылды.

Илдә коронавирус белән бәйле вәзгыятькә карамастан, Яңа ел бәйрәменең якынаюы көннән-көн ныграк сизелә . Бүген Лесхоз картлар һәм инвалидлар өчен интернат – йортында хезмәт буенча инструктор Әгъләмова Л. И. Җитәкчелегендә , социаль хезмәт алучылар зур кызыксыну белән Яңа ел уенчыклары ясау буенча эш башкардылар.Әлеге иҗат төренең  яшь буенча чикләүләре дә юк.Ул һәркемгә үзенең эчке дөньясын белдерү , шул рәвешле ял итәргә , киеренкелекне төшерергә мөмкинлек бирә , бу мөмкинлекләре чикләнгән кешеләр өчен бик мөһим , чөнки аларның сәламәтлек торышы турыдан-туры хис-тойгыларга һәм кәефкә бәйле.

Бүген 25 ноябрь көнне Лесхоз картлар һәм инвалидлар интернат-йортында «Казан әниләре» һәм «Киләчәккә ышаныч белән» хәйрия фонды вәкилләре булып китте. Бу хәйрия фондлары - коммерцияле булмаган иҗтимагый хәйрия оешмалары, аларның төп максаты-хәйрия ярдәме күрсәтү. Ял эшчәнлеген оештыру өчен товарлар рәвешендә иганәчелек ярдәме оештырылды, социаль хезмәт алучыларны памперслар һәм шәхси бүләкләр белән тәэмин иттеләр. Ел дәвамында әлеге хәйрия фондларының безнең учреждение белән тыгыз хезмәттәшлек итүенә һәм безнең карамактагыларга ярдәм итүенә бик шат. Сезнең ярдәм-хәйриячелек үсешенә бәяләп бетергесез өлеш һәм, һичшиксез, инвалидларга һәм өлкән яшьтәге гражданнарга сизелерлек ярдәм.

Игелекле эшләр сизелми калмый - алар маяклар кебек ярдәм көтүчеләргә яктырта. Сезнең эшегез башка хәйриячеләр өчен дә үрнәк булыр дип ышанабыз. Сезнең игелегегез һәм юмартлыгыгыз үзегезгә өчләтә әйләнеп кайтсын. Сезгә тормышыгызда иминлек, сәламәтлек, үсеш һәм җылылык телибез.

Коронавирус йогышы таралуга юл куймау һәм Роспотребнадзор киңәшләре белән 16 нчы ноябрьдән Лесхоз картлар һәм инвалидлар өчен интернат-йорты 3 нче смена белән изоляцияләнгән эш режимын дәвам итте. Интернат-йортның 18 хезмәткәре, директор Равилин Рөстәм Равил улы җитәкчелегендә үзләренең һәм башка вазыйфаларын үтәп, тәүлек әйләнәсе үз карамагындагылар белән торалар.

Өстәл уеннары инде күптәннән бөтен дөньяда мәхәббәт яулады. Дуслар арасында күңелле вакыт уздыруның иң яхшы ысулы булып өстәл уеннары тора. Компьютер күңел ачуларының киң таралуына карамастан, классик өстәл уеннары: шашка, шахмат, лото, домино популяр булып кала.

Лесхоз өлкәннәр һәм инвалидлар интернат-йортында да өстәл уеннары яратучылар беренче этаждагы холлга җыелдылар. Өстәл уеннары яратучыларның мондый очрашулары үзара тәҗрибә уртаклашу һәм вакытны файдалы итеп үткәрү мөмкинлеге бирә. Бу уеннарның кагыйдәләре шактый гади, әмма логик тирәнлеге ләззәт китерә. Шуңа күрә шулай вакыт уздыру безнең коллективта бүгенге көндә дә актуаль булып кала.

Өлкән буын бәйрәме-Өлкәннәр көне!

1 октябрь-үзенчәлекле көн. Бүген торт пешерергә, котлаулар әзерләргә һәм бәйрәмгә әби-бабайларны чакырырга була. Нәкъ менә бүген бөтен дөнья өлкән кешеләрне хөрмәтли.

"Лесхоз картлар һәм инвалидлар интернат-йорты" дәүләт автоном социаль хезмәт күрсәтү учреждениесендә дә ел саен бу искиткеч бәйрәм билгеләп үтелә. Безнең яшәүчеләр өчен матур концерт программалары, бүләкләр, коллективтан, ТР районнарыннан һәм туганнарыннан котлаулар оештырыла. Әмма иң мөһиме-игътибар.