ЯҢАЛЫКЛАР

Ел саен 31 майда Халыкара тәмәке тартуга каршы көрәш көне билгеләп үтелә.Ул 1988 елда Бөтендөнья сәламәтлек саклау оешмасы тарафыннан урнаштырылган.

31 майда Лесхоз өлкәннәр һәм инвалидлар өчен интернат-йортында социаль хезмәтләр алучылар белән берлектә «Тәмәке тартуның зыяны » дигән темага лекция үткәрелде.

Тегү буенча мастер класс

Социаль хезмәтләр алучы белән Лесхоз урта гомуми белем бирү мәктәбендә булдык , анда тегү машинасында тегү буенча мастер-класс чарасында катнаштык.Технология укытучысы Әнисә Тимерҗан кызы барысын да ачык итеп аңлатты һәм тегү машинасында тегү техникасын ничек дөрес кулланырга икәнен күрсәтте.

23 майда хезмәткәрләр өлкәннәр һәм инвалидлар өчен Лесхоз интернат-йортында яшәүчеләр белән берлектә үлгән тәрбияләнүчеләрнең зиратлары территориясендә төзекләндерү, җыештыру һәм каберләрне чистарту үткәрделәр.

22 майда Лесхоз картлар һәм инвалидлар өчен  интернат-йортына "Саба чишмәләре"ансамбле коллективы матур концерт программасы белән килделәр.

19 майда, Лесхоз картлар һәм инвалидлар өчен  интернат -йортында,Лесхоз мәдәният йорты хезмәткәрләре оештырган,  Халыкара гаилә көненә багышланган бәйрәм концерты булып узды. Концертта иң матур, күңелле җырлар, матур биюләр һәм чын күңелдән котлау сүзләре яңгырады. Социаль хезмәт алучылар зур рәхмәтләрен белдерделәр. Концерт программасы безнең тәрбияләнүчеләргә ошады.

«Лесхоз өлкәннәр һәм инвалидлар йортында » вак моториканы яхшырту өчен  даими  рәвештә дәресләр уздырыла. Вак  моториканы  яхшырту  дәресләре, баш миенең нинди дә булса җәрәхәт алган очракларда  киңәш ителә. Мондый күнегүләр хәтер белән нинди дә булса проблемалар булган кешеләргә дә ярдәм  итә. Әмма сәламәт кешеләргә дә  бу  күнегүләрдән баш тарту  дөрес  тугел. Бу күнегүләр  хәтерне  ныгытырга, иҗади  сәләтне арттырырга бик нык  ярдәм  итәләр.

Ел саен 15 майда бөтен дөньяда Халыкара гаилә көне билгеләп үтелә.Гаиләдә кеше тормышы башлана, монда аның граждан буларак формалашуы бара.Гаилә-мәхәббәт , хөрмәт , бердәмлек һәм ярату чыганагы.

15 майда Лесхоз картлар һәм инвалидлар өчен интернат-йортында, тәрбияче җитәкчелегендә,  социаль хезмәтләр алучылар белән,  гаилә парлары бергәләп «Гаилә бәхете» дип аталган рәсем ясадылар. Ир-егетләр яраткан парларына чәчәкләр бүләк иттеләр.

Канәфер  Җиңү символы булып тора. Борын-борыннан бу чәчәк ныклык белән ассоциацияләнә.Канәфер батырлык,намуслылыкны гәүдәләндерә.Кызыл төс кан дигәнне аңлата: чөнки Җиңү бәһасез корбаннар бәрабәренә кыйммәтле җиңү булды.

10 май көнне Лесхоз картлар һәм инвалидлар өчен интернат-йортында, хезмәт буенча инструктор җитәкчелегендә,социаль хезмәт алучылар белән берлектә, җиңү чәчәге ясалды.

Лесхоз интернат-йортында «Георгий тасмасы» акциясе уздырылды һәм Бөек Ватан сугышы ветераннарын котладылар.