ЯҢАЛЫКЛАР

21 февраль көнне Лесхоз өлкәннәр һәм инвалидлар өчен интернат-йортына Ватанны саклаучылар көненә багышланган концерт программасы белән  Саба муниципаль районың Пүкәл мәдәният йорты хезмәткәрләре килделәр. Социаль хезмәт алучылар концерттан канәгать калдылар һәм клуб хезмәткәрләренә рәхмәт әйттеләр.

Изге Валентин көне яки Гашыйклар Көне 14 февраль көнне бөтен дөнья буенча күп кешеләр, олылар һәм балалар бәйрәм итә. Лесхоз интернат-йортында социаль хезмәт алучылар үз куллары белән йөрәкләр ясап, бер-берсенә бүләк иттеләр.

2 февральдә Лесхоз бистәсендә   инвалидлар арасында чаңгы ярышлары буенча Саба районы чемпионаты һәм Беренчелеге 2023 булып узды. Лесхоз өлкәннәр һәм инвалидлар өчен интернат-йортының социаль хезмәт алучысы Заһидуллин Р. И.ярышларда актив катнашты һәм беренче урынны алды. Барлык җиңүчеләр һәм призерлар грамоталар һәм акчалата бүләкләр белән бүләкләнде.

1 февраль Лесхоз өлкәннәр һәм инвалидлар йорты "нда вак моториканы яхшырту өчен даими дәресләр үткәрелә. Социаль хезмәт алучылар бу  дәресләрдә теләп  катнашалар. Әлеге шөгыльләр ярдәмендә социаль хезмәт алучыларның тормыш сыйфаты яхшыруы күзәтелә, үз-үзенә хезмәт күрсәтү сәләте саклана һәм арта.

25 гыйнвар көнне Лесхоз картлар һәм инвалидлар өчен интернат-йортында тәрбияче Әгъләмова Л.И. социаль хезмәт алучылар белән берлектә бүлмә гөлләрен күчереп утырттылар.Гарденотерапия-ул өлкән кешеләрне үсемлекләр белән эшләүгә җәлеп итү ярдәмендә хезмәт реабилитациясенең аерым юнәлеше.Бу юнәлеш өлкәннәргә эмоциональ кәеф өсти, психологик баланс бирә һәм аларны тынычландыра.

 11 гыйнвар көнне Лесхоз  өлкәннәр һәм инвалидлар өчен интернат йортында,хезмәт буенча инструктор җитәкчелегендә, аз хәрәкәтләнүче социаль хезмәт алучылар белән берлектә социаль-тернәкләндерү технологиясе үткәрелде.

Максатлары: вак кул моторикасын, күз күремен һәм күзаллауны үстерү.

8 гыйнварда интернатта  яшәүчеләр  белән Лесхоз бистәсе буйлап виртуаль экскурсия үткәрелде . Мөмкинлекләре чикләнгән кешеләр бу кышкы салкын бәйрәмнәрдә үз сәламәтлекләрен куркыныч астына куймыйча  гына экскурсиядә  булдылар. Виртуаль экскурсия ул - гомуми үсеш өчен искиткеч чара. Интернатта  яшәүчеләр Лесхоз  бистәсенең матур табигатенә  генә  сокланып  калмыйча, Лесхоз бистәсендәге барлык истәлекле урыннарны да күрделәр.

Раштуа һәм Яңа ел-барлык кешеләр өчен иң көтелгән һәм шатлыклы бәйрәмнәр. 7 гыйнварда шушы  якты,  матур бәйрәм уңаеннан интернатта  яшәүчеләр арасында «Күңелле стартлар» дигән спорт-сәламәтләндерү чарасы узды. Яшәүчеләр җитезлектә, координациядә һәм тизлектә көч сынаштылар. Тамашачылар да читтә калмады, алар командаларга көч  биреп  утырдылар. Оттыручылар булмады. Ә катнашучылар өчен иң әйбәт бүләк-яхшы кәеф, күңел күтәренкелеге һәм уңай кичерешләр булды.

Табигатьтә  кыш  хөкем сөрә. Көннәр  суык  тора. Ә  безнең  интернатыбызда якты һәм җылы.

6 гыйнвар  көнне интернатта социаль хезмәт алучылар  «Кыш» темасына рәсемнәр ясадылар. Бу  мавыктыргыч  шөгыль барлык  катнашучыларга  да  ошады.

Тиздщн  -Раштуа  бәйрәме. Безнен   интернатыбызда  яшәүчеләребезнең  күбесе  бу  бәйрәмне  түземсезлек  белән  көтәләр.Шушы  унайдан   интернатыбызның  тәрбиячесе  җитәкчелегендә

 " Раштуадан суга чумдырылуга кадәр " темасына әңгәмә һәм "Кар табышмаклары " дигән  конкурс үткәрелде. Социаль  хезмәт  алучыларның  күнеленә  бу чаралар  бик  хуш  килделәр.