ЯҢАЛЫКЛАР

2024 елның 25 ноябрендә Татарстан Республикасы Кайбыч муниципаль районы Башкарма комитеты административ комиссиясенең Кече Мәми авылында күчмә утырышы булды

23-27 ноябрьдә Подольск шәһәрендә 23 яшькә кадәрге ПОДА спортчылар арасында өстәл теннисы буенча Россия беренчелеге узды, Россия Федерациясенең 18 субъектыннан 80 спортчы медаль өчен көрәште.

Татарстан Республикасы җыелма командасын Саба муниципаль районының әйдәүче уенчылары тәкъдим итте:

- Сафира Фәйзетдинова.

- Элина Шәйдуллина.

-- Рианна Имамиева. 

-Руслан Сапаров.

Нияз Шаманов.

    Киеренке һәм матур уенда безнең яшь спортчыларыбыз бик яхшы нәтиҗәләр күрсәттеләр.

*Ярышларга йомгак:*

1-урын Сафирә Фәйзетдинова / Алинә Шәйдуллина / Риана Имамиева (команда разряды)

3-урын Руслан Сапаров / Нияз Шаманов.(команда разряды)

 1-урын Сафира Фәйзетдинова (шәхси разряд)

 2-урын Элина Шәйдуллина (шәхси разряд)

 2-урын Руслан Сапаров (шәхси разряд)

 2-урын Нияз Шаманов (шәхси разряд)

 3-урын Риана Имамиева" (шәхси разряд)

  Җиңүчеләребезне һәм призерларыбызны бик яхшы чыгышлары белән котлыйбыз алга таба да уңышлар һәм җиңүләр телибез

Ноябрь аенда районыбызда укучыларны китапка, шигърияткә, әдәбиятка тарту максатыннан якташыбыз, Татарстанның халык шагыйре, Габдулла Тукай исемендәге дәүләт премиясе лауреаты, Татарстан Республикасының атказанган мәдәният хезмәткәре Мөдәррис Әгъләмов шигырьләрен сәнгатьле итеп сөйләү буенча һәм аның әсәрләренә атап ясалган рәсем һәм кул эшләре бәйгеләре игълан ителгән иде.

  

Бүген безнең мәктәпкә һөнәри юнәлеш бирү буенча НГПУ вәкиле Красильников Владимир Анатольевич килде. 

26 ноябрь көнне "Җәлил гимназиясе" ндә Әниләр көненә багышланган искиткеч күңелгә үтеп керә торган концерт үтте! Сәхнәдә талантлы укучылар башкарган назлы җырлар, дәртле биюләр яңгырады, алар әниләргә үз күңелләрен бүләк иттеләр. Бию номерлары гаҗәпләндерде! Тамашачылар алкышлардан тыелып кала алмады. Әниләр көненә багышланган концерт тамашачылар күңелендә якты истәлекләр һәм киләчәккә Илһам калдырды. Аларның һәркайсы ихласлык һәм җылылык белән тулы бу тылсымлы кичнең бер өлешен алып китте. Еракта да якын кешеләргә бәхет мизгелләре тудырырга мөмкин бит.

"Солдатка хат" акциясе. Безнең мәктәпнең 7-9 класс укучылары «Солдатка хат» Бөтенроссия акциясендә актив катнаштылар. Бу акциянең асылы-хәрби һәм гражданлык бурычын үтәүче хәрбиләргә ярдәм итү. Укучылар үзләренең хатларында махсус операциядә катнашучыларга җылы сүзләр белән мөрәҗәгать иттеләр. Хатларында укучылар солдатларга кыюлыклары һәм батырлыклары өчен чын күңелдән рәхмәтләрен, горурлыкларын белдерделәр. Нәкъ менә хәзер аларга әлеге җылы сүзләр бик кирәк. Һәр кеше туган йортыннан, җылы почмагыннан киткәндә, үзләре яраткан, аларны көткән кешеләрдән туган ягыннан хәбәрләр көтә. Ә тормыш белән үлем бер юлдан йөргән алгы сызыкта хат алу-бик кадерле нәрсә! Ә анда, алгы сызыкта бу хатның кемнән булуы мөһим түгел, иң мөһиме ул туган яклардан килгән! Анда яхшы сүзләр, балалар рәсемнәре, сәламәтлек һәм Җиңү теләкләре, тыныч тормыштан матур, изге хәбәрләр язылган.

Күтәмәле мәктәбендә махсус хәрби операция зонасында катнашучы  белән очрашу узды. 
Хәрби хезмәткәр авыл халкына ярдәме, мәктәп балаларына җылы хатлары өчен рәхмәтен белдерде. Ул хатларның солдатлар өчен бик мөһим булуын җиткерде.
Мондый очрашулар үсеп килүче буында үз иле өчен горурлык хисе тәрбияләргә ярдәм итә. Балалар чын геройларның янәшәдә яшәвен, батырлык, туган илгә мәхәббәт кебек сыйфатларны белеп үсәргә тиеш.

Яңа Мичән авыл клубында, авыл китапханәсе белән берлектә, Әниләр көнен билгеләп үттеләр. Бәйрәмне, котлау сүзләре белән, авыл җирлеге башлыгы Гараев А.А. ачып җибәрде. Бәйрәмгә Яңа Мичән авылында яшәп балалар үстерүче әниләр җыелды. Алар бала үстергәндәге авыр, күңелле вакыйгаларны искә  төшерделәр, истәлекләр белән уртаклаштылар.  Әниләр хөрмәтенә Шәмәрдән җирлегеннән килгән үзечәннәр чыгышы да уңышлы булды. Соңыннан чәй өстәле артында халык җырлары җырланды.  

Бүген район башлыгы #командаМенделеевск белән бергә төзелеш объектларын тикшерде.