ЯҢАЛЫКЛАР

     2018 елның 26 апрелендә Халыкара радиация һәлакәтләре һәм бәлаказалары корбаннарының 32 еллыгын искә алу көне уңаеннан “Наз” үзәге белгечләре 22 райондашыбызга өйләренә барып азык-төлек пакеты һәм 2018 елның икенче яртыеллыгына “Моя газета” гәҗитенә язылу квитанцияләрен тараттылар.

26 апрель көнне Актаныш районы “Яшьлек» милли-мәдәни үзәгендә  радиацион аварияләр һәм катастрофаларда һәлак булганнарны искә алу көне уңаеннан чара үтте. 1986 елның 26 апрелендә Чернобыль АЭСында булган вакыйгаларда катнашучыларны искә алу ел саен үткәрелә.

Шушы коннәрдә Теләче 3нче номерлы балалар бакчасында тәрбияләнүче Галимова Н. XVII республика күләм балаларның гүзәллек һәм талант “Мини-мисс Татарстана -2018 ” бәйгесендә сайлау этабында катнашты.

23  нче  апрель  көнне  Теләче  урта  мәктәбендә  5 нче  сыйныф  укучылары  тарих фәненнән     бөтенроссия тикшерү эшләре  яздылар. Бөтенроссия тикшерү эшләре  укучыларның  тарих фәненнән   әзерлекләрен тикшерү  максатыннан үткәрелде. 5   нче  сыйныф  укучылары    барлык  биремнәрне дә үтәделәр. 

22 апрель- Халыкара Җир көне. Бу көнне кешеләр экологик бәла- каза турында искә төшерәләр һәм  экологик проблемаларны чишүдә үзләре нәрсә эшли алачаклары турында уйланалар. Экологик үзаңны балачактан ук формалаштыру максатыннан, Кече Кибәхуҗа төп мәктәбе укытучысы Закирова Г.Д. балалар иртәсе үткәрде. Чарада укучылар- табигать сакчылары чыгыш ясады.

Бүген безнең Теләченең беренче номерлы балалар бакчасында Габдулла Тукайның туган көненә багышланган кичә булып узды. Балалар татар теле тәрбиячесе Сабирзянова Л.М белән Г.Тукайның шигырь һәм әкиятләрен искә төшерделәр. Шагыйрьнең шигырьләрен сөйләделәр, җырларын җырладылар.Соңыннантәрбиячеләр балаларга “Кәҗә белән сарык” әкиятен сәхнәләштереп күрсәттеләр. Нәниләрнең  күңеленә бу тамаша аеруча хуш килде. Бәйрәмне татар халкының гимнына әверелгән "Туган тел" җыры белән тәмамладылар. Еллар үтү белән, Г. Тукай әсәрләренең тирән мәгънәле, зур тәрбияви әһәмияткә ия булуына инанабыз.  Ул безнең өчен бөек шагыйрь генә түгел, ә татар тормышы һәм аның тарихына эз салучы шәхес тә әле. Тукай әле хаман да әсәрләре аша, шушы авыр тормышта үзеңә туры юл табарга, дөрес яшәргә өйрәтә.

24 апрель көнне Югары Кибәхуҗа авыл китапханәсе мәдәният хезмәткәрләре белән берлектә "Күңелле балачак"берләшмәсенә йөрүче балалар белән Г.Тукайның туган көне уңаеннан "Син яшәрсең, мең яшәрсең, Син шагыйрьләр солтаны" дип исемләнгән шигырь конкурсы үткәрелде. Кичә барышында балалар Г.Тукайның шигырьләрен сөйләделәр, аның тормышы белән бәйле булган сорауларга җавап бирделәр.

ГИБДД инспекторы Н.Аксенова “Олыларның куркынычсызлык мәктәбе” кысаларында Районның картлар һәм инвалидлар йортында яшәүчеләр өчен укыту үткәрде. Ул аларга җәяүлеләр тарафыннан юл аша чыгу кагыйдәләрен аңлатты.

"Күбәләк" балалар бакчасында балалар үлән чәйләре белән таныштылар. Соңыннан тәмләп шул үләннәрдән кайнатылган чәйне эчеп тә карадылар.