ЯҢАЛЫКЛАР

15 апрельдән 15 октябрьгә кадәр һәр җомга шәһәр территориясен чистарту буенча санитар көн дип игълан ителде.

Шул уңайдан Олы Мәтәскә китапханәсендә төрле чаралар үткәрелә.  23 апрель көнне мәдәният йорты директоры белән берлектә “Тукай сүнмәс йолдыз ул” дигән исем белән шагыйрьне искә алу кичәсе үткәрелде. Бу чара төрле сыйныф укучылары һәм бакчада тәрбияләнүчеләр катнашында “Каенкай”ясле-бакчасында үтте. Укучылар шагыйрьнең шигырьләрен, шулай ук  Г.Тукайга багышлап язган шагыйрьләрнең шигырьләрен сөйләделәр һәм җырларын җырладылар.

Районның Туган якны өйрәнү музеенда “Музей язы” акциясе кысаларында татар композиторы Салих Сәйдәшевка багышланган чара үтте.

Иске Җөри авылы  китапханәчесе дә бу акциядә актив катнашты. 22 апрель көнне территориядагы карларны таратты, җир чыккан урыннардан чүпләр җыйды.

21 апрель көнне Күкчә авылы китапханәчесе “Китапханә төне - 2018”акциясе кысаларында “Тылсымлы сүзләр” берләшмәсе белән берлектә “Без –Тукай оныклары” - дип исемләнгән кичә үткәрде.

24 апрель көнне Мөслим гимназиясендә 8 сыйныф укучылары белән очрашу үтте. “Начар гадәтләр” темасына лекция белән Мөслим хастәханәсенең гигиена тәрбиясе буенча инспекторы Мортазина Р.Р. чыгыш ясады. Сүз тәмәке тартуның, алкоголизмның, наркомания һәм токсикоманияның, компьютер, телефоннарга бәйлелекнең зыяны турында барды.

Бәйрәм чарасына чакырабыз!

23 апрель көнне Күкчә авылы китапханәчесе «Язгы мәрхәмәтлелек атнасы» ‒яхшы эшләр эстафетасы  #ДОБРЫЙ ТАТАРСТАН  #МӘРХӘМӘТЛЕ ТАТАРСТАН »  акциясендә катнашты. Балыклы авылы мәдәният йорты территориясе чүптән арындырылды. 

23 апрель көнне Г.Тукайның 132еллыгына багышланган Әбде авыл китапханәсендә  «Саз мой нежный и печальный…»  дип исемләнгән чара узды. Балаларга шагыйрьнең тормышы һәм иҗаты турында «Великому татарскому поэту посвящается…» дип исемләнгән альбом  тәкъдим ителде. Балалар бик теләп  Г.Тукайның әсәрләрен укыдылар.

Бу атнада авыл хуҗалыгы предприятиеләре язгы кыр эшләренә тотынды.