ЯҢАЛЫКЛАР

Терроризм һәм экстремизм проблемасы глобаль һәм кискен проблемаларның берсенә әверелде. Җәмгыятьнең бурычы-бу куркыныч белән көрәштә уртак көчләрне берләштерү. Терроризмга ничек каршы торырга? Экстремаль ситуацияләрдә үзеңне ничек тотарга? Бу һәм башка күп нәрсәләр турында балалар күргәзмәгә килгәч белделәр. Терроризм белән көрәшү генә түгел, ә аның барлыкка килүен кисәтү дә кирәк. Халыкларның, дәүләтләрнең, диннәрнең үзара хөрмәте терроризмның социаль базасы үсешен кисәтергә һәм җинаятьчеләрнең җәмгыятьтә ярдәмгә өметләрен өзәргә мөмкинлек бирәчәк. 2 июньдә Олы Кибәче авыл китапханәсендә уздырылган чарада шул хакта сөйләшенде. Чара азагында балаларга резинкадан браслет ясау буенча мастер-класс та уздырылды.

​

1 июнь көнне «Укучының мәдәни көндәлеге» проекты җиңүчеләре Казан дәүләт циркында бүләкләү тантанасында катнаштылар.
Тантаналы чара проектның 10 еллык юбилей елын ачуга багышланды. Җиңүчеләр һәм проектның активистлары​ өчен "Барысы да яхшы булачак!" - тамашасы тәкъдим ителде.
Җиңүчеләр:
1 сыйныф арасында – Закиров Самир (Сәләтле балалар өчен аерым предметлар тирәнтен өйрәнелә торган урта гомуми белем мәктәп-интернаты)
2 сыйныфлар арасында – Сабитова Алия (Эзмә урта мәктәбе)
3 сыйныфлар арасында – Андреева Мәрьям (МБГУ “Шәмәрдән лицее “Үсеш”)
4 сыйныфлар арасында – Габсаттарова Зәмирә​ (Килдебәк урта мәктәбе)
Җиңүчеләргә Дипломнар һәм истәлекле бүләкләр тапшырылды.

Саба район китапханәсе хезмәткәрләре «Гаилә» паркында безнең район балалары өчен иҗади мастер-класслар үткәрделәр. Балалар беләзекләр, татар орнаменты белән брошкалар һәм шарлардан төрле фигуралар ясарга өйрәнделәр. Шулай ук чарада журналлар тәкъдим ителде. Балалар әкият геройларын бик теләп буядылар. Бәйрәм балаларга да, өлкәннәргә дә ошады.

Ел саен май ахырында Бөтендөнья тәмәкегә каршы  көне билгеләп үтелә.Бу көн кысаларында Олы Нырты авыл китапханәсе Чабья Чурчи авыл клубы белән берлектә «Тәмәке тарту модалы түгел — ирекле сулыйбыз»дигән урам акциясе үткәрделәр. Бүген 30 майда план буенча китапханәче һәм клуб мөдире авыл урамына чыгып, үтеп баручыларга тәмәке тартуның зыяны турында буклетлар тәкъдим иттеләр. Буклетларда Зарарлы гадәттән баш тарту ысуллары, тәмәкенең зарарлы тәэсире, шулай ук ул китергән тискәре нәтиҗәләр турында мәгълүмат бар. Тәмәке тартучыларны бер көнгә булса да зарарлы гадәттән тыелырга чакыралар, һәм тәмәке урынына конфетлар тәкъдим итәләр. Ә тәмәке тартмаучыларга беркайчан да тәмәке тартмаска киңәш иттеләр.

Акциянең төп максаты катнашучыларга тәмәке тартуның зыяны, тәмәкенең кеше организмына зыянлы йогынтысы турында сөйләү, үсеп килүче буын арасында ЗОЖЛАРНЫ профилактикалау иде. Тәмәке тарту инде модада түгел

31 майда ел саен Бөтендөнья тәмәкесез көн билгеләп үтелә.26  май көнне Казанче Бигәнәй авыл китапханәсендә Мәдәният йорты белән берлектә «Тәмәке тарту-сәламәтлеккә зыян салу»дип исемләнгән әңгәмә үткәрелде. Чараның максаты һәм бурычлары-яшүсмерләрдә үз сәламәтлегеңне саклап калу һәм ныгыту теләген тәрбияләү, яшьләрнең тәмәке тартуның зыяны турында белемнәрен киңәйтү . Китапханәче катнашучыларны тәмәкенең барлыкка килү тарихы белән таныштырды һәм дөньяда тәмәке тарату юлларының тарихи белешмәләрен китереп, бу начар гадәтләрдән кешеләрнең күпме зыян күрүе һәм үлүе турында сөйләде. Катнашучылар тәмәке тартуның куркыныч нәтиҗәләре турында белделәр, тәмәке тартучы кешенең үзенә генә түгел, әйләнә-тирәдәгеләргә дә зыян китерүен расладылар

26 май көнне Саба район китапханәсендә “Сөембикә” клубы өчен якташыбыз филология фәннәре докторы, татар галиме, милли хәрәкәт әгъзасы, китап белгече, библиограф, Татарстан Фәннәр академиясенең хакыйкый әгъзасы, ТАССРның атказанган фән эшлеклесе, Татарстан Республикасының Габдулла Тукай исемендәге Дәүләт бүләге лауреаты, Кол Гали исемендәге халыкара бүләк лауреаты Әбрар Гыйбадулла улы Кәримуллинның тууына 98 ел тулу уңаеннан, “Китап галиме Ә.Кәримуллинга – 98” –әдәби сәгать үткәрелде. Чара ахырында яңа килгән газета-журналларга күзәтү ясалды.                                                                                                

2023 елның 24 маенда Шәмәрдән модель һәм балалар китапханәләре районның «Солдатка хат» акциясенә кушылды. Акциядә «Үсеш» Шәмәрдән лицее укучылары катнашты. Балалар хәзер махсус операциядә катнашучыларның барысына да җылы сүзләр белән мөрәҗәгать иттеләр. Үз хатларында мәктәп укучылары солдатларга чын күңелдән рәхмәтләрен белдерделәр, хәзерге вакытта алгы сызыкта, кешеләрнең хокукларын һәм ирекләрен яклауда булганнарга ярдәм сүзләрен әйттеләр. Мәктәп укучылары аларга хәзер бик кирәк булган гади һәм бик җылы һәм эчкерсез сүзләр яздылар.

Идел буе Болгарстанының Ислам динен кабул итүенә 1100 ел тулу уңаеннан, ТР Милли мәдәниятләр һәм традицияләр елы кысаларында Олы Нырта авыл китапханәсе мөдире балалар өчен « Ислам – тынычлык һәм яхшылык дине»дигән әңгәмә үткәрелде. Чара барышында катнашучылар борынгы заманнар тарихы дөньясына чумдылар һәм борынгы болгарлар мәдәнияте белән таныштылар. Шулай ук китапханәче дөнья диннәренең берсе – ислам тарихы, мөселман традицияләре һәм Татарстанда дөнья мәдәнияте һәйкәлләренең яңадан торгызылуы турында сөйләде. Ул Идел буе Болгары тарихы һәм мәдәнияте буенча китапларга игътибар итте, алар казулар, рухи хәтер үзәкләре, шәһәрләр, сәүдә һәм һөнәрчелек үзәкләре, төзелеш һәм архитектура, мәдәният һәм сәнгать өлкәсендәге төрле казанышлар белән таныштыра. Икенче өлештә "Әдәби алан" проекты буенча эшне дәвам итәләр, табышмакларга , милли бәйрәмнәргә һәм йолаларга күзәтү үткәрәләр, җавапларны үз дәфтәрләренә язалар.

Еллар үтә. Ә алар белән тормышыбызда күп нәрсәләр үзгәрә. Ләкин бер генә әйбер үзгәрешсез кала: үз Ватаныңны, туган җирне, туган якны ярату һәм хөрмәт итү, туган халкың хәтерендә яхшы эз калдыру теләге. Саба Туган якны өйрәнү музеенда «Советлар Союзы Геройлары – безнең якташларыбыз»  дип исемләнгән патриотик сәгате уздырылды. Әлеге чараның максаты Бөек Ватан сугышы елларында якташларыбыз кылган батырлыклар мисалында Ватанга мәхәббәт тәрбияләү, милләт рухы, ата-бабаларыбызның тырышлыгы өчен горурлык хисе уяту. Чара барышында укучылар Саба районы Советлар Союзы Геройлары турында мәгълүмат тупладылар, аларның батырлыклары һәм тормышлары турында белделәр. Шулай ук «Солдат хатлары» дип исемләнгән күргәзмәгә күзәтү ясадылар.

Китапханәдә әдипләр белән очрашу-ул һәрвакыт бәйрәм, ә якташ әдипләр  белән очрашу-икеләтә бәйрәм, чөнки мондый хис-кичерешләр, гадәттә, гомер буе истә кала. 17 май көнне, Саба район китапханәсендә "Якташларны белик" дип исемләнгән әдәби сәгать үткәрелде. Чараның кунагы якташ шагыйрәбез  Миннегөл  апа Манихова иде. Очрашу барышында Миннегөл апа Манихова үзенең тормыш юлы, иҗаты турында сөйләде, үзенең шигырьләрен укыды һәм аларның кайберләренең язуга рухландырган тарихларын сөйләде. Шагыйрәнең “Әниемә булышам”, “Язмышыма рәхмәтлемен”, “Күңел түрендәге хәзинә” шигырьләр китапларына күзәтү ясалып, укучылар  тарафыннан “Китап укы!”, “Әниемә булышам”,  “Тукай телле халык без!”, “Укытучыма” һ.б. шигырьләре сәнгатьле итеп укылды. Чара ахырында шагыйрә: “Күзәтергә бар дөньяны, заманнан артта калма” - дип  “Без-замана балалары” шигырен укыды.