ЯҢАЛЫКЛАР

24 август көнне Кече Шыңар мәдәният йорты каршында эшләүче яшьләр иҗат төркеме Түбән Утар авылында ''Яшьләр тукталышы' дип аталган программа белән чыгыш ясады. Яшьлек - гомернең иң матур чагы, һәм бу һәр чыгышта чагылыш тапты. Тамашачыларның кайнар алкышлары астында вакыт узганы сизелмәде дә, алар олы рәхмәтләрен җиткереп, әкренләп кенә өйләренә таралыштылар.

Беренче «The Kremlin Confederation of Art» фестивале 2017 елда «Конфедерацияләр Кубогы» кысаларында узды, 2018 елда ул «Футбол буенча дөнья чемпионаты» на багышланды, ә 2019 елда «WorldSkills»һөнәри осталык буенча дөнья чемпионаты кысаларында уза.

Хөснулла һәм Аллаһияр Валиуллинар исемендәге Саба балалар сәнгать мәктәбе «Яшьлек» хореография коллективы (җитәкчесе Мөбәрәкҗанова А.З.) бүгенге кичәдә катнашты һәм «The Kremlin Confederation of Art» III еллык республика сәнгать фестивалендә актив катнашканы өчен Дипломы белән бүләкләнде.

Бүген 22 август көнне Ике басу Арташ мәдәният йорты каршында эшләп килүче “Фирүзә” агитколлективы ООО СХП “Нырты” хуҗалыгының Арташ бүлекчәсе басу-кырларында механизаторлар-комбайнерлар һәм ашлык ташучы шоферлар каршында “Уңыш-2019” шигаре астында хуҗалыкта барган урып-җыю көндәлеген чагылдырып чыгыш ясадык. Юлыбызны күкрәп үскән арпа басуыннан басулардан кайткан икмәкне туплап, җыйнап, урнаштырып эшләүче ындыр табагы эшчеләре янында тукталдык. Авыр хезмәтләрен мактап дан җырладык. Дүрт юнәлештә басуларга аш-су әзерләп чыгаручы ашханә хезмәткәрләренә 5 минутлык тәнәфес ясап, рухи ял бүләк иттек. Агит чыгыш барышында басуларда барган эшнең күләме: бүгенгесе көнгә суктырылып, җыеп алынган икмәкне комбайнерларның һәм шоферларның эш нәтиҗәләрен яктырттык. Бүгенгесе көндә басулардан 50% суктырылып, амбарларга кайтарылган. Комбайнерлар арасында бүгенгесе көнгә алдынгы булып: Миннегулов Илһам, Мусин Тәлгать 2 урында, Миннегулов Ильяс 3 урында баралар. Алардан әзгә генә калышып Кузнецов Николай, Габдрахманов Рашат, Попонин Николайлар баралар. Игеннәрне түкми-чәчми амбарларга алып-кайтып бушатуда яшь егет Мухарлямов Рашат алдынгылыкны бирми. Шулай ук Шакиров Фәрит, Гарифуллин Рамиль, Газизянов Рифнур алны-ялны белми эшлиләр. Механизаторларыбыз аяз көннең һәр минутының кадерен белеп, иген басуларында сыйфат өчен көрәшәләр. Кырдагысы түгел, амбардагысы - икмәк, ди халык мәкале. Монда да игенчеләребезнең тырышылыгын күреп сокландык. Үзтөягеч техникасында иртәдән төнгә кадәр эшләүче Сабиров Ильназ, икмәк киптерүдә эшләүче операторлар Каримов Ильнур, Шакиров Ринат, Салахиев Фәзит, Давлетшин Булат һәр мизгелнең кадерен белеп, җайланмаларны төзек эшләтүдә тырышып эшлиләр. Түгелгән-чәчелгән икмәкне җыйнап торучы Зифа Фазлыеваның хәрәкәте кырмыскага тиң. Үлчәүдә исәп-хисап эшләрен алып баручы Фирдания Нигматуллинаның төгәллеге сокландыра. Без аларга һәрбарчасына да исәнлек-саулык, уңышлар теләп киләсе очрашуларга кадәр дип саубуллаштык.

18 август көнне Иске Икшермэ мэдэният йорты хезмэткэрлэре, "Сударушки" ансамбле, авылдашларыбыз изге Болгар җиренә сәяхәт итеп кайттылар. Экскурсовод Люция безгә бик күп кызыклы мәгълүмат җиткерде. Тарихи экспонатлар, биналар, Ак мәчет һәм башкалар беркемне дә битараф калдырмады. Барлык кешеләр дә бик канәгать калды.

18 август конне Олы Нырты авыл мэдэният йортында авыл яшьлэре хэм кунакка кайтучылар очен «Планета буйлап яшьлек килэ!».» дигэн исем астында музыкаль кунел ачу кичэсе уздырылды. Элеге чара яшьлэрне бер-берлэре белэн якынрак аралаштыру, сэламэт яшэу рэвешен пропагандалау хэм яшьлэрнен буш вакытларын файдалы итеп уткэру максатыннан оештырылды. Яшьлэр «Йорэгемне сайла», «Алтын шар», «Уз йолдызынны тап» , « Сузне тап» дигэн торле кызыклы уеннарда катнашып , узлэренен актив хэм креатив булуларын курсэттелэр. Уеннар дискэтук белэн урелеп барды.

Бүген ике маршрут буенча экскурсия үткәрелде: -Сатыш (музей-мәдрәсә) -Байлар Сабасы (туган якны өйрәнү музее, төшке аш) -КСК Сабантуй (ату, ат, уен автоматлары); Балалар истәлекле урыннар, тарих һәм гомумән район турында күбрәк белсеннәр өчен. 2. Алар уйнасын һәм кызыклы итеп вакыт үткәрсен өчен.  Бурычлар үтәлде! Балаларга барыннан да бигрәк ошады: - уен автоматларында уйнау; - атларны ашату; - И. и... төшке аш! Алар нәрсә турында белделәр: - 19 гасырда шәкертләр кайда һәм ничек укыдылар; - татарлар качып киткәннән соң, 16 нчы гасырда Казанны алганнан соң, татарлар төзегән Үрнәк авылы янындагы тау шәһәре турында; - Татарстан әләмен, "Кремль" станциясендәге бизәкләр һәм башка бик күп нәрсәләрне кем булдырган; - районның теләсә кайсы мәчетен интерактив видео ярдәмендә күрә алдык. Вакытны күңелле, кызыклы һәм файдалы итеп үткәрделәр. Белешмәләр өчен Телефон: 89600-337-36.

3 август көнне Сәрдә авыл халкы һәм кунаклары «Жәйге авыл кичләре» дип исемләнгән авыл Көнен билгеләп үттеләр. Котлау сүзе белән авыл имам-хатыйбы Рафыйк Сабирҗанов чыгыш ясады. Шекше авыл җирлеге башлыгы Радик Хәйртдинов авыл халкын һәм кунакларны бәйрәм белән котлады, шулай ук ООО «Игенче» җитәкчесе Алмаз Зарипов, кече бизнес җитәкчесе Рәис Дәүләтшин да котлау сүзләрен җиткерделәр. Мәдәният хезмәткәрләре бәйрәмне оештыруда актив катнаштылар. Уеннар программасын һәм бәйрәм программасын Сәрдә авыл клуб мөдире Рузил Ибатуллин алып барды. Шулай ук Сәрдә авыл клуб хезмәткәрләре һәм үзешчән артистлар тарафыннан концерт программасы әзерләнде. Эзмә мәдәният йорты мөдире Зөлфәт Саматов һәм Кызыл-Мишә мәдәният йорты сәнгать җитәкчесе Айдар Хантимиров бәйрәм белән котлап, яраткан җырларын башкардылар. Бу гадәти булмаган бәйрәм өлкәннәр һәм балалар өчен күңелле уеннар, бүләкләр тапшыру, концерт номерлары һәм биюләр белән үрелеп барды. Һәр кунак пылау, кайнар чәй һәм күчтәнәч белән сыйлана алды. Бәйрәмнең иганәчеләре: «Игенче» ООО җитәкчесе Алмаз Зарипов, кече бизнес җитәкчесе Рәис Дәүләтшин, «Илфани» сәүдә үзәге җитәкчесе Фәннур Курамшин, Муртазин Артур, Закиров Руслан, Галимов Илназ булды. Кичкә кадәр музыка яңгырады, концерт дискотека белән алышынды.

31 июль көнне Сабабаш авыл клубында Лесхоз мәдәният йорты белән берлектә «Авыл киче" дип исемләнгән җәйге концерт оештырылды. Концерт номерлары барлык тамашачыларныңда күңелләренә хуш килде. Татар һәм рус телләрендә ретро һәм заманча җырлар яңгырады. Концерт номерлары төрле күңелле уеннар белән чиратлашып алып барылды.

30 июль көнне Сабабаш авыл клуб мөдире, клуб берләшмәсенә йөрүче өлкәннәр һәм балалар өчен, Саба районының истәлекле урыннарында “Туган ягым буйлап, тарих эзләрен барлап” дип исемләнгән экскурсия оештырды. Экскурсоводыбыз Тамчыгөл Вәлиева маршрут буенча тукталган һәр маршрут тарихы белән таныштырып барды. Маршрут Сатыш авылындагы музей-мәдрәсәсе белән танышудан башланды. Шулай ук Казанче Бигәнәй авылында урнашкан «Ишан-хәзрәт» каберендә булдылар, аннан соң Ш.Х.Биктимиров исемендәге китапханәдә булдылар. Китапханә хезмәткәре Загирова Ләйсән аларны актерның биографиясе белән таныштырды. Шулай ук Сөембикә манарасы рәвешендәге кунакханәдә дә булдылалар. Экскурсия бик кызыклы һәм мавыктыргыч узды, экскурсиядән бик канәгать булдылар һәм безнең районның башка музейларында булырга теләк белдерделәр. Районыбызның матурлыгына сокланып, күтәренке кәеф белән таралыштылар.

28 июль конне Олы – Нырты мэдэният йортында укучылар очен боек патша Петр беренченен юбилеена багышланган « Тарих тэгэмэче» дигэн викторина уткэрелде. Бу чарада ике команда катнашты. Команданын исеннэре Петр беренченен ижаты белэн бэйлэнгэн иде. Викторина диалог формасында узды. « Петр беренче буй озынлыгы?», « Беренче укытучысы кем?», « Петербург шэхэрен кем исеме белэн атаганнар?»дигэн кызыклы сорауларга укучылар бик тогэл жаваплар бирделэр. Бу викторинада балалар бик актив булдылар хэм рус тарихы буенча ныклы белемнэрен курсэттелэр.