ЯҢАЛЫКЛАР

Балалар китапханәгә килә торган төрле төстәге журналларны карап чыгарга яраталар. Олы Кибәче авыл китапханәсендәге «Илһам " клубының чираттагы утырышында балалар алар белән якыннанрак таныштылар. Китапханәче балаларны «матбугат», «вакытлы басмалар», «эчтәлек», «Рубрика» терминнары белән таныштырды, журнал һәм газеталарның нинди төрләре булуы турында сөйләде. Аннары китапханәче «Ежик», «Саша и Маша», «Принцесса», «Салават күпере», «Сабыйга»кебек язылу буенча даими рәвештә китапханәгә килә торган балалар журналы һәм газеталарына күзәтү ясады. Балалар  вакытлы матбугат басмаларының рубрикалары, әлеге журналлар һәм газеталарда нинди танып белү һәм күңел ачу материаллары булуы белән таныштылар. Балалар журналларның өстәмә уку, әйләнә-тирә дөнья турында кызыклы мәгълүматлар алу, фикерләүне үстерү, күңел ачу һәм ял итү өчен кирәклеген белделәр.

 Килдебәк авыл китапханәчесе мәдәният йорты хезмәткәрләре белән берлектә «Ак калфак» клубына йөрүчеләр өчен, Газинур Моратка 65 яшь тулу уңаеннан «Туган телгә мәдхия җырлаучы – Газинур Морат» исемле әдәби кичә үткәрделәр. Аның иҗаты белән таныштырылды, шигырьләре кычкырып  укылды. Китап күргәзмәсенә күзәтү үткәрелде.

"Җәй китабы 2024" проекты кысаларында, Ике басу Арташ авыл китапханәсенең мөдире "Тукайлы җәй"әдәби сәгате үткәрде. Аның "Җил илә Кояш" әсәрен укыдылар, әсәр буенча сорауларга җавап бирделәр һәм җавапларын дәфтәрләргә яздылар.

Россиядә ел саен балалар һәм яшүсмерләр өчен фән һәм техника атналыгы үткәрелә — илдә иң мөһим массакүләм вакыйгаларның берсе. Чаралар үсеп килүче буынның интеллектуаль һәм иҗади сәләтләрен үстерүгә, балалар һәм яшүсмерләрнең киләчәктә үзлегеннән белем алуына һәм үз-үзләрен камилләштерүгә кызыксыну уятуга юнәлдерелгән. Төбәк авыл клубында клуб мөдире белән берлектә китап күргәзмәсе оештырылды. Анда китапханә фондыннан физика, медицина, химия, тарих һәм географиядәге ачышлар һәм уйлап табулар турында сөйләүче белешмәләр, энциклопедияләр һәм башка материаллар тәкъдим ителде. Китап һәм Энциклопедия битләре буйлап сәяхәт итеп, яшь укучылар техника үсеше, гаҗәеп ачышлар һәм даһи уйлап табулар турында күп яңалыклар белделәр.

21 август көнне Шәмәрдән авыл китапханәсендә халыкара террорчылык корбаннарын искә алу көненә багышланган «Террорчылык – тормышыбызның чынбарлыгы» дигән мәгълүмат көне үткәрелде. Китапханәчеләр яшь укучыларга терактлар янаганда үз-үзеңне тоту кагыйдәләрен белү, шундый катлаулы ситуацияләрдә үзеңне ничек тотарга кирәклеге турында сөйләделәр. Теракт барлыкка килгән вакытта үз-үзеңне тоту кагыйдәләренә аерым игътибар бирелде, шикле предметлар табу һәм мондый вәзгыять килеп чыккан очракта үзеңне һәм якыннарыңны ничек сакларга кирәклеге хакында сөйләнде.

Килдебәк авыл китапханәчесе мәдәният йорты хезмәткәрләре белән берлектә «Преданья старины глубокой» исемле җыр кичәсе үткәрделәр. Чарада «Ак калфак» клубына йөрүчеләр катнашты. Алар онытылган яшьлек җырларын, халык җырларын, такмакларны искә төшерделәр. Шулай ук халык уеннары уйналды. Чара бик күңелле һәм җылы шартларда узды.

Олы Кибәче авыл китапханәсендә мәчеләр көне үткәрелде. Күп халыклар, үз чиратында, кешегә иң якын булган әлеге йорт хайваннарын хөрмәтләү көннәрен билгеләделәр. Балаларга бу йорт хайваннары — мияулаучы затлы җан ияләре турында сөйләделәр. Балалар үзләренең мәче дусларына өйдә яхшы һәм уңайлы булсын өчен нәрсә эшләргә кирәклеген белделәр, аларның гадәти булмаган тәртибе шуның белән аңлатыла. Бу көнгә китапханә диварларында күргәзмә ясалды һәм урамда рәсемнәр конкурсы үткәрелде.Балалар әниләре белән бергә яраткан йомшакларын ясадылар.Балалар шулай ук «мәче-тычканлы»да уйнадылар. Мәчеләр турындагы җырларны искә төшерделәр.

Казанче Бигәнәй авыл китапханәсе, мәдәният йорты белән берлектә, «Туган ягым – яшел бишек» дип исемләнгән экология сәгать үткәрде. Балаларга туган як табигате, аның басулары, урманнары, болыннар турында сөйләделәр. Балалар бушлай җир хәзинәсе булган дару һәм агулы үсемлекләр белән таныштылар. Алар турында мәгълүматлар бирелде, табышмаклар чишелде. Балалар бик теләп уеннар уйнадылар һәм вакытны күңелле үткәрделәр.

25 август көнне Хөснулла һәм Аллаһияр Валиуллинар исемендәге Саба балалар сәнгать мәктәбенең бию коллективлары «Яңа гасыр» телерадиокомпаниясенә «Шома Бас» бию программасында катнашу өчен чакырылган иде. 

Беренче «The Kremlin Confederation of Art» фестивале 2017 елда «Конфедерацияләр Кубогы» кысаларында узды, 2018 елда ул «Футбол буенча дөнья чемпионаты» на багышланды, ә 2019 елда «WorldSkills»һөнәри осталык буенча дөнья чемпионаты кысаларында уза.

Хөснулла һәм Аллаһияр Валиуллинар исемендәге Саба балалар сәнгать мәктәбе «Яшьлек» хореография коллективы (җитәкчесе Мөбәрәкҗанова А.З.) бүгенге кичәдә катнашты һәм «The Kremlin Confederation of Art» III еллык республика сәнгать фестивалендә актив катнашканы өчен Дипломы белән бүләкләнде.