ЯҢАЛЫКЛАР

Олы Шыңар авылында  яшәүче Набиуллина Рәйсә  Гыйлметдин кызына 2022нче елның 2нче мартында 90 яшь тулды. Россия Президенты Путин В.В. һәм Саба муниципаль районы башлыгы Р.Н.Миңнеханов исеменнән котлау һәм истәлекле бүләкләрне Олы Шыңар авыл җирлеге башлыгы А.Г. Гарипов тапшырды Котлауларга шулай ук   “Туган Як” җәмгыяте директоры Мехәмәтов И.Ш., Кече Шыңар мәдәният йорты һәм китапханә хезмәткәрләре дә кушылды

25 февраль  көнне Олы Шыңар урта мәктәбе  спорт залында авыл җирлеге беренчелегенә волейбол  буенча авыл командалары арасында ярышлар оештырдылар. Барлыгы 3 команда катнашты: “ Укытучылар”, “Укучылар”,  “Авыл яшләре”. 1 урын – “Укытучылар”, 2 урын “Укучылар”, 3 урын “Авыл яшләре”  командаларына бирелде.

23 февраль көнне Кече Шыңар мәдәният йортында Ватанны саклаучылар көне уңаеннан " Әти һәм мин- без дуслар !" дигән конкурс булды. Бәйрәм башында Россия армиясе сафларында хезмәт иткән  егетләр белән очрашу булды. Барлык катнашучыларны бәйрәм белән Олы Шыңар авыл җирлеге башлыгы Гарипов А.Г. котлады. Һәм бәйрәмнең күңелле өлеше башланды: малайлар  әтиләре белән «Әти һәр эшнең дә остасы», «Иң төз атучы» конкурсларында, «Йөгереш», «Поход» бәйгеләрендә катнаштылар. "Эрудит"викторинасында үз белемнәрен тикшерделәр. Конкурслар концерт номерлары белән үрелеп барды. Программа ахырында жюри конкурска йомгак ясады, барысына да истәлекле бүләкләр тапшырылды.

Ә.А.Ахунҗанов исемендәге Олы Шыңар  гомуми урта белем бирү мәктәбендә “Бердәм Россия” члены әгъзасы, VI чакырылыш Татарстан Республикасының Дәүләт Советы депутаты Галиев Марат Ибрагимович ярдәме белән шахмат зонасы булдырылды. Ачылу чарасында Саба муниципаль районы башлыгы Миннеханов Рәис Нургали улы да катнашты.

Олы Шыңар авылында  яшәүче Касыймов Сәлимгәрәй Шакир улына 2022нче елның 9нчы февралендә 90 яшь тулды. Саба муниципаль районы башлыгы Р.Н.Миңнеханов исеменнән котлау һәм истәлекле бүләкләрне Олы Шыңар авыл җирлеге башлыгы А.Г. Гарипов тапшырды. Котлауларга шулай ук   “Туган Як” җәмгыяте директоры Мехәмәтов И.Ш.  кушылды

4 февраль көнне Олы Шыңар авыл җирлегендә халык  җыелышы уздырылды.Олы Шыңар авыл җирлегендәге учреждениеләр җитәкчеләре; авыл җирлеге башлыгы Гарипов А.Г.  2021 елда эшләгән эшләренә отчеты һәм 2022 елга үсеш планнары турында; Россия эчке эшләр министрлыгының Саба муниципальара бүлегенең Олы Шыңар  авыл җирлеге буенча участок вәкаләтлесе Садриев Р.А.җәмәгать иминлегенең торышы буенча;  Саба районы янгын күзәтчелеге идарәсе начальнигы  Галимуллин А.Р.;  Саба районы Баш ветеринария табибы Ганиев З.Р. ; Саба урман хуҗалыгы урман мастеры Хайруллин М.М.; «Россельхозбанк “ ның өстәмә офисы  начальнигы Билалова Р.К. чыгыш ясадылар

    Олы Шыңар шугалагында Нуриев Булат истәлегенә алкалы хоккей буенча  ярышлар үткәрелде. Бозда Шыңар1 - Яшьләр, Шыңар2 – Ветераннар һәм  Тимершык  авылы уенчылары очрашты. Исәп Шыңар - Тимершык 2:4; Шыңар1- Шыңар2  5:5.

Олы Шыңар авыл җирлеге биләмәсендә авыл юлларын кардан чистарту “Туган Як” җәмгыяте техникасы ярдәмендә башкарыла. Олы Шыңар, Кече Шыңар, Оет, Чулпыч авылы урамнары  даими рәвештә кардан чистартылып тора.

Олы Шыңар авылы хоккей мәйданчыгында бозны әзерләү эшләре бара.

Яңа ел-иң тылсымлы, могҗизалы бәйрәм, бигрәк тә сабыйлар өчен. 4 гыйнвар көнне Кече Шыңар мәдәният йортында балалар өчен "Яңа ел Могҗизалары " дип исемләнгән Чыршы бәйрәме узды. Мәдәният хезмәткәрләре китапханәче белән берлектә күңелле уеннар, чыршы янында әйлән-бәйлән оештырдылар. Кыш бабай белән Кар кызы барысын да тылсымлы әкияткә алып килделәр, балалар Буратино авылының алтын ачкычын табарга булыштылар. Әкият һәм күңел ачу  лотерея уеннары белән чиратлашып барды. Балалар һәр бүләккә сөенделәр, фотозонада истәлеккә фотога төштеләр. Әти-әниләр дә, балалар да канәгать калдылар.