ЯҢАЛЫКЛАР

Республика күләмендә эшләп килүче узара салым программасы нигезендә Миңгәр авылында “Атау” чишмәсендә өлешчә төзекләндерү эшләре алып барылды.

Бөтен дөньяда Әтиләр көне әтиләрнең  үз балаларының  тормышына керткән өлешен тану билгесе итеп  билгеләп үтелә. Төрле илдә бәйрәм датасы үзгәреп тора,  әмма күп кенә илләрдә әтиләр көне июнь аеның өченче якшәмбесенә  туры килә. Безнең илдә 2021 елга кадәр бу көн  рәсми булмаган килеш бәйрәм ителде. Россиядә беренче тапкыр Әтиләр көнен 2021 елның 17 октябрендә билгеләп үтәчәкләр. Бу хактагы 573 номерлы указга быел көз РФ Президенты Владимир Путин кул куйды. Шул уңайдан, 16 октябрь көнне Кызыл-Мишә авыл мәдәният йорты һәм китапханә хезмәткәрләре «Тормышыбыз яме сез»дип исемләнгән бәйрәм концерты оештырдылар. Концерт дәвамында шигырьләр, күңелле күренешләр, биюләр һәм  җырларда әтиләргә, ир-атларга рәхмәт сүзләре яңгырады. Һәр чыгыш көчле алкышлар белән каршы алынды. Залдагы тамашачыларның шатлыклы йөзләрен күрү, аларның яхшы кәефләре бәйрәм чарасын әзерләүчеләргә иң яхшы бүләк булды. Шунысын да билгеләп үтәргә кирәк, бәйрәм залда утыручыларның барысының да күңеленә хуш килде. Әтиләр көне уңаеннан үткәрелгән бу   концерт бик күңелле узды һәм авыл халкына бик күп уңай эмоцияләр бүләк итте.

13 октябрь көнне Тимершык мәдәният йорты хезмәткәрләре, китапханә белән берлектә «Әкияттә кунакта»дип исемләнгән әдәби уен үткәрделәр. Яшь катнашучылар сихри әкият дөньясына эләкте, анда могҗизалар бара, яхшылык һәрвакыт явызлыкны җиңә. Китапханәче яшь китап укучыларга яраткан китап битләренә сәяхәт кылырга һәм яраткан геройларында кунакта булырга тәкъдим итте, «әкият» төшенчәсе һәм әкият төрләре белән таныштырды. Балалар яңа китаплар белән таныштылар һәм борынгы әкиятләрне искә төшерделәр. Балалар әкият һәм әкият персонажларын «Әкият героен тап», «Сорау - җавап» конкурсларында актив катнаштылар. Соңыннан балалар үзләренең яраткан әкиятләре һәм әкият геройлары турында сөйләделәр.

Тимершык авыл җирлеген территориясен яшелләдерү максатыннан оешмалар һәм шәхси хуҗалыклар тарафыннан агачлар утырту эшләре алып барылды. Бу эшләр алга таба да дәвам итәчәк.

Октябрь башында Өлкәннәр көненә багышланган бәйрәмне билгеләп үтү матур традициягә әверелде. Бу көнне уздырыла торган бәйрәм чаралары ветераннарга рухи ял итәргә, аралашырга, ялгызлыкны җиңәргә мөмкинлек бирә. 1 октябрь көнне Тимершык авыл җирлегендә өлкән яшьтәге кешеләрне котладылар  Барлык бюджет учреждениеләрендә бәйрәм чаралары һәм мул табын артында чәй эчүләр оештырылды.

Тирә-якны төзекләндерү максатыннан, Тимершык авыл җирлеге буенча иске йорт, каралты-кура сүтү эшләре даими үткәрелеп тора.

Тимершык авыл җирлегендә зиратларны чистарту буенча өмәләр дәвам итә.

Халык актив катнаша.

Кабакка багышланган чаралар, гадәттә, сентябрь аенда, бөтен уңыш җыеп алынган вакытта үткәрелә. Алтын көз – алтын кабак! Кабакны ничек кенә бизәмиләр дә, ниләр генә уйлап чыгармыйлар. Ә кабактан күпме ризык әзерлиләр. Чыннан да, кабак – чын Көз патшасы! 29 сентябрь көнне Кызыл- Мишә мәдәният йортында китапханәче белән берлектә «Кабак түтидә кунакта» дип исемләнгән бәйрәм үткәрелде. Бәйрәмнең үзенчәлеге – алтын көзне һәм узып баручы җәйге кояш нурларын гәүдәләндерүче яшелчә– кабак булды. Программада табышмаклар әйтелде, җырлар җырладылар, биеделәр, кабактан әзерләнгән ризыкларын күрсәттеләр. Кабак түтидән башка нинди бәйрәм булсын инде. Бәйрәмдә катнашучылар шулай ук кабаклы-спорт ярышларында да актив катнаштылар. Бәйрәм ахырында барлык катнашучылар кабак бәлешеннән авыз иттеләр һәм кабактан пешерелгән ризыклар белән чәй эчтеләр.

Тимершык авыл җирлегендә көндәлек тирә-якны төзекләндерү буенча максатчан эш алып барыла. Шул максаттан чыгып көзге чорда җирлек территориясен җыештыру эшләре алып барыла.

Җылы җәй бик тиз үтеп китте һәм менә аңа алмашка салкын җилләре һәм яңгырлары белән көз килде. Көннәр кыскара, күңелдә сагыш уятып, урамга караңгылык иңә. Шулай булса да  көзге чор үзенең бик күп бәйрәмнәре булуы белән бик матур. Менә без дә, Кызыл-Мишә авыл мәдәният йорты һәм китапханә хезмәткәрләре, балаларның кәефләрен  күтәрергә булдык һәм 23 сентябрь көнне алар өчен шушы чорга багышланган «Көзге гүзәл Сөмбелә» дип исемләнгән уңыш бәйрәме оештырдык. Бәйрәмнең төп темасы, билгеле булганча, көз булды. Көзгә багышланган күңелле уеннар, табышмакларга җаваплар табу оештырылды, җиңүчеләргә бүләк итеп табигать бүләкләре бирелде. Балалар җырлар җырладылар, шигырьләр сөйләделәр. Бу бәйрәмнән балалар үзләренә күтәренке күңел һәм яхшы кәеф алдылар.