ЯҢАЛЫКЛАР

Маскировка челтәрләре сугышчыларны, коралларны, хәрби техниканы һәм башка мөһим объектларны маскировкалау өчен киң кулланыла. Бу әйбер тормышны саклап кала ала. Миңгәр авылы клубында хатын-кызлар һәм ир-атлар төркеме үз теләкләре белән хәрби хезмәткәрләр өчен маскировка челтәре әзерләү белән шөгыльләнәләр. Мондый авыр вакытта без берләшергә һәм солдатларыбызга ярдәм итәргә тиешбез.

    Тимершык авыл җирлегендә өмәләр елга берничә тапкыр үткәрелә – гадәттәгечә яз көне, табигать кышкы йокыдан уянганда, җәй көне, пикникларның иң кызган вакытында, һәм көзен, табигатькә чиста һәм чүпсез кышка китәргә ярдәм итү өчен.

     Узган шимбәдә, 25 октябрьдә, яңа аренда йорты территориясендә «Шәмәрдән КҖП ТКХ» АҖ техникасы ярдәмендә территория чүп-чардан, агач һәм куаклардан чистартылды.

"Шәмәрдән КҖП ТКХ" АҖ хезмәткәрләренә рәхмәтебезне белдерәбез.

Һәр ел саен Саба мөмкинлекләре чикләнгән балалар өчен интернат-мәктәбендә көзге бал үткәрелә. Залга кергәндә шунда ук бәйрәм, могҗиза, көз көтү атмосферасына чумарга мөмкин иде. Бу матур һәм истә калырлык чара — барлык укучылар өчен иҗади сәләтләрен күрсәтү, кызыклы коллектив эшчәнлеккә кушылу, дуслар арасында ял итү өчен бик яхшы мөмкинлек. Программага  конкурслар, уеннар, табышмаклар, көзге җырлар, биюләр кертелгән иде. Чара күңелле һәм дустанә шартларда узды. Укучылар бик күп уңай эмоцияләр алдылар

Кызыл-Мишә авылы мәчетендә авыл халкы һәм иганәчеләр булышлыгы белән су кертү эшләре башкарылды.

Сабай авыл клубында ремонт эшләре башкарыла. Пластик тәрәзәләр куелды, су кертелде, клуб тышкы яктан калай белән тышлана, туалет кую эшләре  һәм түшәм эшләнәчәк. Ремонт эшләрен «ПМК -159» ҖЧҖ башкара.

20 октярь көнне Тимершык авылы мәдәният йортында Тимершык урта мәктәбе балалары өчен, Сатыш авылы имам-хатыйбы, Саба Мөхтәсибәтенең яшьләр эшләре буенча ярдәмчесе Алмаз хәзрәт Галимҗанов катнашында тәрбия сәгате үтте.

     Укучыларга ислам дине нигезләренең асылын аңлатып вәгазь сөйләнде. Укучылар кызыксындырган сорауларга җаваплар алдылар.

Саба районың  авыл җирлекләрендә  яшь белгечләрне тораклы итү һәм авыл җиренә  квалификацияле белгечәр тарту максатыннан Республика күләм “Яшь белгечләргә аренда торагы” программасы кысаларында йортлар төзелеше дәвам итә. Тимершык авылында белгечләр өчен чираттагы йорт төзелде.

     “Тимершык урта мәктәбе”МБМУ  махсус хәрби операциядә катнашучылар өчен гуманитар ярдәм җыйдылар. Посылкалар белән бергә укучылар шулай ук солдатларга хатлар тапшыралар, аларда җиңүләрен һәм тизрәк туганнары һәм якыннары янына кайтуларын теләп, аларга рәхмәтләрен белдерәләр.

     Укучылар аларның хезмәте һәм тырышлыгы Россия хәрбиләренә ышаныч һәм ярдәм китерә дип ышана, бу аларга җиңүгә ирешү өчен мотивация һәм көч бирә.

1 октябрь көнне һәр елны Халыкара өлкәннәр көне билгеләп үтелә. Тимершык авыл җирлегенә кергән Тимершык, Кызыл-Мишә, Көек һәм Сабай авылларында Өлкәннәр көненә багышланган бәйрәм концерты уздырылды. Катнашучылар әбиләрне һәм бабайларны шигырьләр, җырлар һәм биюләр белән котладылар. Концерт номерлары кәефне күтәреп кенә калмады, өлкән буын кешеләрен яшьлекләренә дә алып кайтты. Бу матур бәйрәм өлкән буын вәкилләренә очрашу һәм ял итү мөмкинлеге бирә. Бәйрәм чәй өстәле артында дәвам итте.

    Республиканың  авыл җирлекләрен комплекслы үстерү программасы буенча Тимершык авылы юлларына вак таш һәм асфальт белән ремонт эшләре башланып китте. Эшне сыйфатлы итеп “Рамазан” ҖЧҖ  башкара.