ЯҢАЛЫКЛАР

8 май көнне, Бөек Ватан сугышында җиңүнең 77 еллыгын бәйрәм иткән көннәрдә, Тимершык авыл җирлегендәге сугыштан кайтмый калган авылдашлар истәлегенә эшләнгән һәйкәлләр каршында бәйрәм митинглары үткәрелде.   Укучылар, авыл халкы һәйкәлгә таба, “Үлемсез полк” акциясе кысаларында, бабаларының рәсемнәрен күтәреп хәрәкәт иттеләр.  Бәйрәм митингы Бөек Ватан сугышында катнашкан әби-бабаларыбызны бер минут тынлык белән искә алып, һәйкәлләргә чәчәкләр кую һәм бакчага агач утырту  белән тәмамланды.

Санитар-экологик икеайлык кысаларында Тимершык авыл җирлегендәге оешма-предприятиеләрдә, шәхси хуҗалыкларда, урамнарда, чишмәләрдә тирә-якны чүпләрдән чистарту максатыннан өмәләр дәвам итә. Җыештыру эшләрендә җирлек халкы зур теләк белдереп актив катнаша.

Региональ дәрәҗәдәге юл кырыйларында җәяүлеләргә куркынычсызлык тудыру максатыннан хәрдаим яңа эшләр башкарылып тора. Тимершык авылында  заман таләпләренә туры китерелеп ООО «СПЕЦДОРСТРОЙ» оешмасы тарафыннан җәяүлеләр  өчен яңа тротуар җәю эшләре башланды.

Бөек Җиңунең 77 еллыгы якынлаша. Бәйрәм көне якынлашканда район җитәкчелеге тыл ветераннарын күчтәнәч белән сөендереп, бәйрәм теләкләрен җиткерәләр. Бүгенге көндә авыл җирлегендә 18 тыл ветераны яши. Ветераннарны котлауда авыл җирлеге башлыгы Хаҗиев Айдар Ханифулла улы һәм Саба муниципаль районы Башкарма комитеты җитәкчесе урынбасары Баһманов Марат Мансур улы катнашты.

Районыбыз авыл җирлекләре арасындагы ир-атлар волейболы Саба муниципаль районы чемпионаты төгәлләнде. Тимершык авыл җирлеге командасы  2 урынны яулады.

30 апрель көнне Тимершык авыл җирлеге территориясен яшелләдерү максатыннан оешмалар һәм шәхси хуҗалыклар тарафыннан агачлар утырту эшләре алып барылды. Бу чара алга таба да дәвам итәчәк.

Тимершык авыл җирлеге узешчәннәре 24 апрель көнне Сәрдә авыл клубында "Җырлыйк әле" шоу-проекты белән чыгыш ясадылар. Шоу-проект концерт номерлары, җырлар, биюләр белән үрелеп барды.Чара тамашачыларга бик ошады.

Саба мөмкинлекләре чикләнгән балалар өчен интернат-мәктәбендә агымдагы ремонт эшләре бара: стеналарны буяу, мәктәп бинасында, остаханәдә вентиляцияне ремонтлау, спорт мәйданчыгын урнаштыру, ишекләрне алыштыру, котельныйда, подвал бинасында ремонт эшләре башкару. Ремонт эшләрен Саба ПМК -159 оешмасы башкара.

Тимершык авыл җирлегендә сугыш ветераннарының тол хатыннарын якынлашып килүче Җиңү көне белән Тимершык авыл җирлеге башлыгы Хазиев А.Х. Тимершык урта мәктәбе яшь армеецлары белән берлектә котладылар. Алар тол калган хатыннарга Татарстан Республикасы Президенты исеменнән котлау открыткалары һәм бүләкләр тапшырдылар.

2020 елдан башлап Татарстанда "Авыл территорияләрен комплекслы үстерү"дәүләт программасы гамәлгә ашырыла. Программа, аерым алганда, авыл халкын үтемле һәм уңайлы торак белән тәэмин итү өчен шартлар тудыруны, кадрлар потенциалын үстерүне, инфраструктураны булдыру һәм үстерү һ. б. күздә тота.

Программада авыл җирендә даими яшәүче, яшәү урыны буенча мәҗбүри теркәлүче һәм оешма эшчәнлеге өлкәсенә бәйле рәвештә бер елдан да ким булмаган авыл җирлегендә эшләүче гаилә яки РФ гражданы катнаша ала.

Субсидия күләме федераль һәм республика бюджетлары акчалары хисабына торак бәясенең 80 % ын тәшкил итә.  җирле бюджет акчалары һәм (яки) эш бирүче – кимендә 20 % (җирле бюджет 1%+ эш бирүче 19%).

Төзелгән торак эш бирүченең финанс катнашында муниципаль милеккә яки уртак (җирле үзидарә органына һәм эш бирүчегә) рәсмиләштерелә һәм гражданга найм шартларында файдалануга тапшырыла.

Шәхес хезмәт килешүе буенча 5 ел эшләгәннән соң, тиешле эш бирүче белән торак урынын исәп – хисап бәясенең 10% тан артмаган бәядән, ә 10 ел узгач-1% тан артмаган бәядән сатып алырга хокуклы.

     Бүгенге көндә Тимершык авыл җирлегендә дә шушы программага нигезләнеп 8 гаиләгә йорт төзелеше алып барыла.