ЯҢАЛЫКЛАР

Могҗизалы әкиятләр

«01» июль көнне Эзмә мәдәният йорты ишегалдында балалар өчен файдалы ял итү максатыннан Саба район балалар китапханәсе «Жәйге китапханә» дип исемләнгән чын балалар бәйрәме оештырдылар. Башта төрле әкият персонажларыннан балалар өчен матур, кызыклы тамаша күрсәтелде. Чара барышында викториналар, мастер-класслар, фокуслар, төрле уеннар, флешмоб булды, аларда балалар бик телэп катнаштылар. Чара ахырында барлык балаларга да истәлекле бүләкләр тапшырылды.

Саба муниципаль районынын Эзмә авыл җирлеге биләмәсендә чистарту, төзекләндерү эшләре даими  алып барыла. Чүп үләннәре чабыла.

Эзмә авыл җирлеге яшьләре актив рәвештә физик культура белән шөгыльләнә, Татарстан Республикасы Саба муниципаль районында уздырыла торган барлык спорт чараларында катнашалар.

Эзмә мәдәният йорты һәм Иләбәр авыл китапханәсе хезмәткәрләре Эзмә мәдәният йортында «Дуслык» лагере балалары белән Бөек Ватан сугышына багышланган «Утлы еллар кайтавазы» дип исемләнгән интеллектуаль уен үткәрделәр. Сугыш турындагы тапшыруларны тыңлыйсың яки карыйсың икән, йөрәк сулкылдап куя. Күпме газаплар кичергән кешеләр. Сугыш темасы бер генә кешене дә битараф калдырмый. Сугыш һәркемнең йөрәгендә мөһерләнгән һәм моны истә тотмасак, куркыныч хата кылачакбыз. Нәкъ менә шуңа күрә балалар төрле сораулар аша сугыш, батырлыклар, геройлар турында тагын бер кат искә төшерделәр. Балалар бик теләп сорауларга җавап бирделәр һәм үз балларын алдылар. Ахырда дуслык җиңде.

Эзмэ авыл җирлегендәге учреждение җитәкчеләре, балалар белән берлектә «Хәтер шәме» акциясенә кушылдылар. Кулларындагы шәмнәр белән обелиск янында бер минут тынлык белән искә алдылар.

15 июнь көнне Эзмә, Курсабаш авыл мәдәният йорты, Сулә авыл клубы хезмәткәрләре авыл халкы өчен Идел буе Болгарында Ислам динен кабул итүгә 1100 ел тулу уңаеннан «Тарих сукмагы буйлап» дип исемләнгән туристик экскурсия оештырдылар. Экскурсияне шәһәр башлыгы озатып йөрде, ул безгә тарихи, истәлекле урыннар турында сөйләде. Экскурсия барышында Изге китапның иң зур басмасын күрдек. Ислам динен кабул итү тарихын белделәр. Күп кенә музейларда, Ак мәчеттә булдык. Туристик маршрут ахырында экскурсиядә катнашучылар тагын бер кат Болгар изге урынына килергә теләк белдерделәр.

Сабантуй-татар халкының иң яраткан бәйрәмнәренең берсе. «12» июнь көнне Эзмә авыл җирлегенең Иләбәр һәм Олыяз авылларында Сабантуй бәйрәме узды. Бәйрәм пролог һәм концерт программасы белән башланып китте, анда җирлек бюджет учреждениеләре хезмәткәрләре дә актив катнашты. Һәр катнашучы күңел белән мавыгу таба алды. Балаларга уеннар өчен аерым почмак оештырылды, ә өлкәннәр мәйданда бик теләп катнаштылар. Үз талантларын күрсәтергә теләүчеләргә аерым сәхнә оештырылды. Авыл халкы һәм кунаклар бик канәгать калдылар, чөнки Сабантуй-барлык яраткан һәм көтеп алынган бәйрәм.

Эзмә мәдәният йорты хезмәткәрләре балалар белән «Су безнең тормыш» исеме астында чишмәләргә культпоход оештырдылар. Су - гаҗәеп табигать бүләге. Җирдә бернәрсә дә сусыз яши алмый. Җир тирәнлегеннән чишмәләр өслеккә тере дымны чыгара. Экскурсия барышында балаларга чишмәләрнең әһәмияте, чишмә суының шифалы үзлекләре, аларга сакчыл мөнәсәбәтнең мөһимлеге һәм чишмәләрнең әйләнә-тирә мохиттә су тигезлегенең мөһим өлеше булуы турында сөйләделәр. Безнең көннәрдә чишмәләрне төзекләндерергә кирәк, аларны карарга кирәк, алар турында һәркем кайгыртырга тиеш. Экскурсия барышында балалар белән матур куаклар һәм агачлар шул ук шифалы су белән сугарылды. Чөнки кечкенә генә игелекле эш чишмәләр тирәсендә экологияне һәм табигатьне сакларга ярдәм итә.

Эзмә авыл җирлегенең бюджет оешмалары хезмәткәрләре балалар һәм авыл халкы белән Сабантуй уңаеннан бүләкләр җыйды. Халык бүләк иткән бүләкләр зур колгага бәйләнде. Балалар бик теләп кәнфит җыйдылар, матур шигырьләр сөйләделәр. Авыл халкы бу йоланы яраталар һәм актив катнашалар.