ЯҢАЛЫКЛАР

Саба районынын Эзмэ авыл җирлегенен Олыяз, Пукэл авылында дәүләт программасы нигезендә йорт төзелеше башланды.

Саба районынын Эзмэ авыл җирлегендә  яшь белгечләрне тораклы итү һәм авыл җиренә квалификацияле белгечләр тарту максатыннан Республикакүләм «Яшь белгечләргә аренда торагы» программасы кысаларында йортлар төзелеп тора. Олыяз авылында авыл хуҗалыгы белгечлэренә дип 3 яна йорт төзелэ башлады.

Сәламәтлек -  һәр кеше тормышында мөхим роль уйный. «07» апрель көнне Эзмә авыл җирлегенең Эзмә мәдәният йортында «Сәламәт булу вакыты!» дип исемлэнгэн, Эзмә ФАП фельдшеры Гөлназ Шәйхетдинова катнашында, Бөтендөнья сәламәтлек көненә багышланган танып белу сэгате уткэрелде. Әлеге чарада башлангыч сыйныф укучылары катнашты. Фельдшер Г. Шәйхетдинова сәламәт яшәү рәвешенең әһәмияте, аның кыйммәте, һәр кеше тормышында аның роле турында сөйләде. Энгэмэ барышында фельдшер сәламәт яшәү рәвеше алып барырга, дөрес тукланырга кирәклегенэ басым ясады. Г, Шайхетдинова укучыларнын сәламәтлек, туклану продуктларына кертелгән витаминнар һәм иртәнге зарядканың әһәмияте, гигиена, экология һәм спорт турында белемнәре турында сораулар бирде. Укучылар  үзләренең  көн тәртибе белән уртаклаштылар, сәламәтлеккэ кагылышлы сорауларга төпле җаваплар алдылар.

Эзмә авыл җирлегендә гражданнар оборонасы буенча укулар узды. Эвакуация пункты эшчеләре укуларны лаеклы үттеләр, үзләренең барлык вазыйфаларын үтәделәр.

Эзмә авыл җирлегендә язгы җылылык килү һәм кар эрү сәбәпле, кар сулары белән су басмасын өчен, су үтә торган торбалар, канау һәм күперне кардан чистарту буенча чаралар күрелде.

Кошлар – безнең дусларыбыз, ярдәмчеләребез. Кошлардан башка табигать җансыз. Аларның күңелле,моңлы тавышлары табигатьне яшәртә, күңелләребезгә   дәрт һәм шатлык өсти. 1 апрель  Халыкара  кошлар көне  буларак билгеләп үтелә. Бу  уңайдан Эзмә авыл җирлегенең Иләбәр авыл китапханәсе һәм клуб хезмәткәрләре “Кошлар – канатлы дусларыбыз” дигән исем астында экологик викторина уздырдылар . 5 турдан торган чарада укучылар кошлар темасын яктырткан сорауларга җаваплар эзләделәр, филфорд һәм кроссворд чиштеләр. Тизлеккә пазл җыюда ярыштылар. Укучыларга китап күргәзмәсе тәкъдим ителде. Соңыннан җиңүче команда билгеләнеп истәлекле бүләкләр тапшырылды.

Эзмә авыл җирлегенең Иләбәр авыл китапханәсенә Эзмә урта мәктәбенең 5 сыйныф укучылары экскурсиягә килделәр. Укучылар белән бергә “Китап – сердәшем” дигән исем астында библиографик дәрес уздырылды. Китапханәче балаларны   китапларның тарихы, төзелеше белән таныштырды. “Китаплар дөньясына сәяхәт“ дигән исем астында китап күргәзмәсе тәкъдим ителде. Күргәзмәгә китап фондында булган иң яңа,иң иске,иң кыйммәтле, иң арзанлы,иң авыр, иң җиңел,иң күп укылган китаплар куелган иде. Әлеге күргәзмә укучыларда зур кызыксыну уятты.

Эзмә авыл җирлеге яшьләре актив рәвештә физик культура белән шөгыльләнә, Татарстан Республикасы Саба муниципаль районында уздырыла торган барлык спорт чараларында катнашалар.

Милли бәйрәмнәр һәрвакыт үзенчәлекле атмосфера, гадәти булмаган гореф-гадәтләр һәм кызыклы йолалар белән уратып алынган. Нәүрүз - табигатьнең, кешенең, аның күңеленең һәм йөрәгенең яңаруын, ә киң мәгънәдә – яңа тормыш башлануын аңлата.

"11" март көнне Эзмә авыл җирлегенең Эзмә мәдәният йортында "Саф чишмә" балалар бакчасында тәрбияләнүчеләрнең "Гаилә - бәхет учагы" дип исемләнгән "Гаилә бәйрәме" булып узды. Бәйрәм программасында музыкаль номерлар белән балалар да, ата-аналар да чыгыш ясады. Аннары гаиләләр арасында ярышлар башланды. Кызыклы һәм актив конкурсларда балалар һәм өлкәннәр дәрт һәм энергия дөньясына чумдылар. Чара ахырында ата-аналар һәм балаларның туганнары бәйрәм чарасын оештыручыларга һәм катнашучыларга рәхмәт белдерделәр.