ЯҢАЛЫКЛАР

Бу көннәрдә ООО «Игенче» хужалыгында кызу эш вакыты – тулы куәткә терлек азыгы әзерләү бара. «22» июнгэ хуҗалыкта барлыгы 10 110 тонна сенаж һәм 3 445 центнер печән әзерләнде. Хуҗалыкның механизаторлары һәм башкаларның бердәм, килешенгән хезмәте нәтиҗәсендә терлекләргә яхшы сыйфатлы азык әзерләнә  дип әйтә алабыз. Авыл хезмәтчәннәренә уңайлы һава торышы һүм уңышлар телибез.

«21» июнь көнне Эзмә авыл җирлегендәге учреждение җитәкчеләре «Хәтер шәме» акциясенә кушылдылар. Кулларындагы шәмнәр белән обелиск янында Бөек Ватан сугышында һәлак булганнарны бер минут тынлык белән искә алдылар.

Саба муниципаль районынын Эзмә авыл җирлеге биләмәсендә чистарту, төзекләндерү эшләре даими  алып барыла. Чүп үләннәре чабыла.

Эзмә авыл җирлегенең  Иләбәр авыл китапханәсе һәм клуб хезмәткәрләре Россия көне уңаеннан «Россия – безнең ил» дигән исем астында танып-белү сәгате уздырдылар. Катнашучыларга китапханәче  Россия тарихы,мәдәнияты, көнкүреше темаларын чагылдырган  бай  мәгълүмат  җиткерде. Соңыннан һәр бала үзенең хисләрен ак кәгазь битләренә  һәм асфальтка төшерелгән рәсемнәр аша белдерделәр. Катнашучыларга истәлекле бүләкләр тапшырылды.

Эзмә авыл җирлегенең  Пүкәл авыл китапханәсе клуб белән берлектә «Балалар һәм велоспорт» дип исемләнгән велоузыш оештырдылар. Барлык теләүчеләр туган авыл буйлап велосипедта йөрделэр, бик күп күңелле эмоцияләр һәм дәрт заряды ала алдылар. Китап күргәзмәсе оештырылды. Чара ахырында барлык катнашучылар да тәмле бүләкләр алдылар.

Татарстан Республикасы Президенты инициативасы белән үзизоляция вакытында “Ярдәм янәшә! Помощь рядом!” акциясенә старт бирелде, аның кысаларында гражданнарның аерым категорияләренә азык-төлек җыелмаларын тарату оештырылды. Мондый җыелмаларны «12» май конне Эзмә авыл җирлегеннән 24 гаилә оченче тапкыр алды.

Саба муниципаль районының Эзмә авыл җирлегендә Эзмә мәдәният йорты хезмәткәрләре, Россия көнен бәйрәм итү кысаларында, балалар белән асфальтта акбур белән рәсем ясау буенча «Мин кояш рәсемен ясыйм» дип исемләнгән бәйге үткәрделәр. Бу бәйге балаларның патриотик аңын формалаштыру, үз Ватаны өчен горурлык хисен тәрбияләү, сәләтле һәм талантлы балаларны ачыклау һәм аларга ярдәм итү максатыннан үткәрелде. Балаларга Россия турында,  аның зур ил булуы,  күпмилләтле халыкларны берләштерүе,  без бер-беребезгә, табигатькә һәм ата-бабаларыбызның мәдәни мирасына хөрмәт белән карарга тиешлегебез турында сөйләнелде.

Саба муниципаль районынын Эзмә авыл җирлегендә территорияне төзекләндерү һәм чистарту эшләре авыл халкы белән берлектә алып барыла. Иске һәм яраксыз йорт, каралты-кураларны сүтү эшләре башкарыла.

Саба муниципаль районы Эзмә авыл җирлегенең Иләбәр авылында урнашкан авыл клубы бинасын төзекләндерү эшләре бара. Эшне «Кристал» ҖЧҖ оешмасы башкара.

Экологик икеайлык кысаларында Эзмә авыл җирлеге территориясендә агачлар утырту эшләре бара. Бу эшләр алга таба да дәвам итәчәк.