ЯҢАЛЫКЛАР

3 сентябрь терроризмга каршы теләктәшлек көне уңаеннан, 4 сентябрь көнне Сатыш авыл китапханәсендә “Беслан трагедиясе безнең йөрәкләрдә” дигән темага хәтер сәгате үткәрелде. Китапханәче Беслан шәһәрендә 1-3 сентябрь көннәрендә булган фаҗига турында сөйләде, тоткынга алган очракта үз- үзеңне тоту кагыйдәләре турында искәртте.

Саба район китапханәсендә Республикакүләм методик семинар
5 сентябрь көнне Саба район китапханәсендә “Экология һәм яшьләр: экологик культураны формалаштыруда китапханәнең роле” республикакүләм методик семинар узды. Республиканың төрле районнарыннан китапханәчеләр килде. Чараны Район китапханәсе янәшәсендәге “Тукай” паркыннан башлап җибәрдек. Г.Тукайның әсәрләреннән әкияти тере күргәзмәләр каршы алды килгән кунакларны. Тукай һәйкәле янәшәсендә, Г.Тукай тормышындагы хатын-кыз образлары сәхнәләштерелде. Җаннарга уелган Тукай чыгышы, беркемне дә битараф калдырмады.
Кунакларга китапханә буенча экскурсия үткәрелде, китапханәнең  тарихы, эшчәнлеге һәм укучылар өчен  булган яңа мөмкинлекләр белән таныштылар.
Семинарның рәсми өлешен Саба районы башлыгы Минниханов Рәис Нургали улы ачып җибәрде.
Республика  китапханәләре эшчәнлеге, проектлар, алга куелган планнар буенча  Татарстан Республикасының "Республика яшүсмерләр китапханәсе" директорының инновацион һәм методик эшчәнлек буенча урынбасары Шайтанова Наталья Александровна чыгыш ясады.  
Семинар Республикакуләм Модель китапханәләре вәкилләре чыгышлары белән үрелеп барды.
Семинарның икенче өлеше “Ямьле Саба” яр буенда дәвам итте. Беренче тукталыш “Изге кул” чишмәсе янында булды. Саба ягында үскән файдалы үләннәрдән, чишмә суын эчеп үскән якташ язучыларның китапларыннан күргәзмә белән танышып,  “Таң суы” йоласы белән таныштылар, чишмәнең тарихын белделәр. “Ягүр” чишмәсе янында халкыбызның милли йоласы “Каз өмәсеннән” бер күренеш карап, беразга гына булса да милли татар рухын күзалладылар. “Келтер” чишмәсендә борынгыдан килгән йола “Самавар агарту», “Яшь киленгә су юлын күрсәтү”  күренешләре, татар халкының милли гореф-гадәтләргә тугры калып яшәве  чагылыш тапты.  Семинарның бу милли рухлы өлеше кичке җырлы-биюле уеннар белән төгәлләнде.

4 сентябрьдә Шәмәрдән авыл китапханәчесе «Үсеш» Шәмәрдән лицееның 3 «В» сыйныф укучылары белән «Борчылмыйча һәм күз яшьләре» Хәтер сәгатен үткәрде. Чара истәлек датасына - террорчылыкка каршы көрәштә теләктәшлек көненә багышланган иде. Россиянең бу истәлекле датасы 2005 елда «Россиянең хәрби даны көннәре турында» Федераль закон белән билгеләнгән һәм Беслан шәһәрендә булган фаҗигале вакыйгалар белән бәйле. Очрашу башында китапханәче балаларны «террор», «террорчылык», «террорчылар» төшенчәләре белән таныштырды, аннары балаларга бөтен кешелек террорчылыгына нинди куркыныч янавы турында сөйләде. Шулай ук Тынычлык  сүзенә аңлатма таптылар. Чара азагында укучылар күгәрченнәрне планетабызга беркеттеләр һәм дөнья терроризмга урын булмаганда гына үсә ала дигән нәтиҗәгә килделәр.

4 сентябрь көнне Шәмәрдән авыл китапханәсендә террорчылыкка каршы теләктәшлек көненә багышланган «Террорчылыкка каршы китапханә» күргәзмә оештырылды. Китапханәчеләр китапханә укучыларына теракт янаганда үз-үзеңне тоту кагыйдәләрен белү, шундый катлаулы ситуацияләрдә үзеңне ничек тотарга кирәклеге турында сөйләделәр. Теракт барлыкка килгән вакытта үз-үзеңне тоту кагыйдәләренә аерым игътибар бирелде, шикле предметлар табу һәм мондый вәзгыять килеп чыккан очракта үзеңне һәм якыннарыңны ничек сакларга

Сентябрь-уку елы башы. Мәктәп яңадан белемгә, яңа һәм билгесезлеккә омтылучы һәркем алдында ишекләрен ача. Бүген, 4 сентябрь көнне Олы Нырты авыл китапханәсе мөдире " мәктәп еллары искиткеч» дигән китап күргәзмәсе оештырды һәм актив укучылар белән әдәби сәгать үткәрде . Китап күргәзмәсендә укучыларын күңелле дәресләргә чакырып кына калмыйча, мәктәп укучылары өчен иң якын темаларга-мәктәп, уку, дуслык темаларына тарихлары белән уртаклашачак искиткеч балалар шагыйрьләренең һәм язучыларының әсәрләре тәкъдим ителде. Чара азагында китапханәче укучыларга китапханә аларның тугры дусты һәм уку процессында ярдәмчесе булуын искәртте.

2024 елның 5 сентябрендә Республика яшүсмерләр китапханәсе «Татарстан Республикасының Саба үзәкләштерелгән китапханә системасы» белән берлектә Татарстан Республикасының муниципаль модельләр китапханәсе белгечләре өчен «Экология һәм яшьләр: экологик культураны формалаштыруда китапханәләр роле» темасы буенча семинар үткәрде. Бу чарада" Х.һәм А.Вәлиуллин исемендәге Саба балалар сәнгать мәктәбенең " укытучылары Газизова Гүзәл Равил кызы һәм Галиева Эльвира Раеф кызы мастер-класс үткәрделәр. Мастер-класс үз язма һәм кулинар китапларын "скрапбукинг" техникасында ясауда иде. Семинар башында кунакларны әзерләү техникасы белән таныштырдылар, аннары практик эшкә керештеләр, һәркем үз эшен бизәде. Мастер-класста катнашучылар башкарылган эшләнмәләрдән канәгать калдылар.

Беркадәр вакыт элек безнең  лексиконга, кызганычка каршы, "Экстремизм", "Терроризм"кебек куркыныч сүзләр килеп керде. Бу төшенчәләр артында нәрсә яшерелгәнен хәзер инде һәр бала белә. Ләкин бу сүзләрне барысы да дөрес аңламый икән. Кызганычка каршы, балалар күбесе бу сорауга җавапны белми.

"Экстремизм" һәм "Терроризм" ның нәрсә икәнен һәм аларның хәзерге җәмгыять өчен нинди куркыныч тудыруын бергәләп ачыклау өчен,  Саба балалар сәнгать мәктәбе  укучылары белән берлектә "Террорчылыкка каршы" айлык  кысаларында бию бүлеге укучылары белән "Экстремизм - заман проблемасы"дип исемләнгән аралашу сәгате үткәрделәр.

Мөбарәкҗанова Альбина Зөфәр кызы һәм Гарипова Гүзәл Марат кызы "Экстремизм", "Терроризм"," Толерантлык", "Эмпатия " кебек төшенчәләрне аңлатырга тырыштылар. Укучылар әлеге тема буенча презентация белән таныштылар. Укучыларга дөрес юл сайларга ярдәм итә торган белешмәләр тапшырылды.  Ахырдан укучылар белән флешмоб оештырылды.

Китапханәдәге яңа китаплар-китапханәчеләр һәм чын уку сөючеләр өчен һәрвакыт көтелгән вакыйга. Ике басу Арташ авыл китапханәсенең мөдире "Танышыгыз!Яңа китаплар" һәм "Уңган куллар" клубы өчен күзәтү үткәрде. Без бергәләп яңа китаплар турында фикер алыштык, кызыклы өзекләр укыдык. Һәркем үзе өчен кызыклы китап тапты, аны рәхәтләнеп өйгә алып кайтты.

Россиядә ел саен үзенчәлекле дата – террорчылыкка каршы көрәштә теләктәшлек көне билгеләп үтелә. Безнең илдә 3 сентябрь фаҗигале датасы 2004 елның 1 сентябреннән 3 сентябренә кадәр Бесланда булган вакыйгалар белән тыгыз бәйләнгән. Ике көн ярым дәвамында террорчылар миналанган бинада 1100 дән артык тоткын тоткан. Теракт нәтиҗәсендә тотаклар арасыннан 314 кеше һәлак булган, шуларның 186сы балалар. Барлыгы, коткаручыларны да кертеп, 333 кеше һәлак булган, һәм ким дигәндә 783 төрле дәрәҗәдәге җәрәхәтләр алган. Бу көнне Бесланның корбаннары турында кызгануга сәләтле барлык кешеләр искә ала. Бүген Кече Шыңар мәдәният йорты хезмәткәрләре, китапханәче белән берлектә, «Безнең фәрештәләргә» — Беслан балаларына багышланган асфальтта балалар рәсемнәре акциясе үткәрделәр.

3нче сентябрь көнне Курсабаш авыл китапханәсе мөдире Галимҗанова Ф.Н. "Дулкын" телерадиокомпаниясендә "Китапханәче сүзе" тапшыруында чыгыш ясады. Тапшыру башында китапханәче китапханәнең бүгенге көндә яшәеше, аның эше белән таныштырды. Шәхесләр елы уңаеннан, Түбән Утар авылында туып үскән Татарстанның атказанган артисты Энҗе Шаймурзина турында мәгьлүмат бирелде. "Яңа китаплар белән таныштыру" сәхифәсендә китапханә мөдире Фәнис Яруллинның "Кайту" дигән китабы белән таныштырды. Гаилә елы уңаеннан тапшыруга актив, үрнәк, гомерләрен балалар укытуга багышлаган гаиләләрнең берсе булган Шаймурзиннар гаиләсе чакырылды. Алар кыскача үзләренең тормышлары, эшләре белән таныштырып үттеләр. Гармун моңнарына төреп,  үзләренең матур теләкләрен җиткерделәр.