ЯҢАЛЫКЛАР

Курсабаш авыл җирлегеннән булган Бәшәров Фәннүр Шәйдула улы , Иләбәр авылында уздырылган Саба районы чаңгы ярышларында 2 нче урынны яулады. Котлыйбыз!

5 нче февраль көнне Курсабаш авыл җирлеге гражданнары җыены булып узды. Җыен Курсабаш авылы мәдәният йортында үткәрелде. Мәдәният йортына килә алмаган кешеләр җыенда «ZOOM» программасы аша, дистанцион рәвештә катнаша алдылар. Җыенда Саба муниципаль районы башлыгы урынбасары Р.Р. Закирҗанов, хокук саклау органнары вәкилләре, оешма-предприятия җитәкчеләре һәм вәкилләре катнашты. Җыелыш башында АҖ «Татмедиа»  һәм АҖ «Саба дулкыннары» әзерләгән видеоматериаллар каралды. Участок инспекторы А.Ф. Зарипов, 2025 нче елда авыл җирлегендә булган хокук бозулар һәм хокук бозуларны кисәтү буенча эшчәнлек белән таныштырды һәм җирлек халкына телефон мошенникларыннан саклану кагыйдәләрен аңлатып үтте. Шулай ук җыенда авыл җирлегендә урнашкан бюджет оешмалары җитәкчеләре 2025 нче башкарган эшчәнлек буенча хисап тотылар һәм 2026 нче елга булган планнары белән уртаклаштылар. Курсабаш  авыл җирлеге башлыгы  А. Р. Гыймадиев халык каршында 2025 нче елда авыл җирлегендә башкарылган эшләр буенча хисап тотты һәм 2026 нче елда эшләнергә тиешле эшләргә тукталып, бурычларны да билгеләп үтте. Җыенны йомгаклап Саба муниципаль районы башлыгы урынбасары Р.Р. Закирҗанов авыл җирлегендә яшәүче халкка мөрәҗәгать итеп, авыл җирлеге һәм гомүмән районда башкарырга тиешле эшләргә тукталды һәм нинди юнәлештә хәрәкәт итәргә кирәк дигән фикерләре белән уртаклашты.

2026 елның 29 гыйнварында «Бранко Рус» ҖЧҖ коллективының еллык отчет җыелышы булды. «Бранко Рус» ҖЧҖ компаниясе авыл хуҗалыгы продукциясе – кошчылык базарында 15 елдан артык эшли. Бүгенге көндә ул-инкубаторда йомыркадан тәүлеклек күркә балаларын чыгару өлкәсендә уникаль тәҗрибәсе һәм үз технологияләре булган алдынгы, югары технологияле предприятие.

«Бранко Рус» ҖЧҖ компаниясе 2019 елда Татарстан Республикасында күркәләр өчен инкубатор төзи башлады, 2023 елда инкубатор уңышлы эшләтеп җибәрелде һәм Россельхознадзор сертификацияләнде. Безнең хезмәткәрләрнең күбесе предприятиегә нигез салынганнан бирле эшли, кошчылык һәм тәүлеклек күркә балалары үрчетү өлкәсендә кыйммәтле тәҗрибәгә ия.

«Бранко Рус» ҖЧҖ компаниясе җитештерүе сыйфатлы сәнәгать җиһазлары куллану нәтиҗәсендә югары дәрәҗәдә автоматлаштыруга ия. 2025 елда башкарылган заказлар күләме 350 миллионга җитте, бу 2024 ел белән чагыштырганда ике мәртәбә артуны күрсәтә. Коллективта 20 кеше эшли.

Еллык җыелышта район җитәкчелегеннән Башкарма комитет җитәкчесенең инвестицион үсеш һәм эшмәкәрлеккә ярдәм буенча урынбасары, инвестицион үсеш һәм эшмәкәрлеккә ярдәм бүлеге җитәкчесе И.И. Котдусов һәм Курсабаш авыл җирлеге башлыгы А.Р. Гыймадиев катнаштылар.

28 гыйнварь көнне Курсабаш мәдәният йортында  "Саба" ҖЧҖ "Курсабаш" бригадасының отчет җыелышы булып узды. Директор Җиһаншин Ирек Сәетша улы һәм баш белгечләр 2025  елдагы эшләргә тирән анализ ясадылар, җитешсезлекләрне билгеләделәр, аларны төзәтү һәм камилләштерү юлларын күрсәттеләр, 2026 елга планнар билгеләделәр. ҖыелыштаТатарстан Республикасы Авыл хуҗалыгы һәм азык-төлек министрлыгының Саба муниципаль районы Авыл хуҗалыгы һәм азык-төлек идарәсе башлыгы Гафур Шәйхулла улы Хасаншин катнашты.

Түбән Утар авылы волонтерлары һәрвакыт хәрәкәттә. Яңа ел бәйрәмнәрендә волонтерлар СВО сугышчылары өй токмачы әзерләделәр. Сезнең фидакарьлегегез һәм армый – талмый хезмәтегез-безнең уртак җиңүебезгә бәяләп бетергесез өлеш. Катнашкан һәм күрсәткән ярдәмегез өчен зур рәхмәт белдерәбез!

Курсабаш авыл җирлеге юллары һәм территорияләре «Игенче» ҖЧҖ һәм «Курсабаш»ҖЧҖ тырышлыгы белән вакытында кардан чистартыла. Бу чаралар гражданнар өчен уңайлы шартлар тудыруга юнәлдерелгән, бигрәк тә кышкы чорда, чиста һәм куркынычсыз тротуарлар һәм юллар аеруча актуаль булган чорда. Авылларны һәм җәмәгать урыннарын төзекләндерү җирлек халкының иминлеген һәм уңайлылыгын тәэмин итүдә өстенлекле юнәлеш булып тора. Җитешсезлекләрне бетерү һәм вакытында чистарту – уңайлы һәм пөхтә авыл киңлеген булдыруга таба мөһим адымнар.

Түбән Утар авыл клубында кинофильм карау үткәрелде. Балалар һәм өлкәннәр бик теләп кинофильм карадылар, аралыштылар, ял иттеләр. 

Яңа ел-әкияти бәйрәм, барлык балаларның яраткан бәйрәме. Әкияткә һәм могҗизага ышанып, аны озак көтәләр.
Курсабаш мәдәният йортында "Чыршы янында Яңа ел"дип исемләнгән балалар бәйрәме үткәрелде.Ярышларда һәм конкурсларда катнашкан Кыш Бабай, Кар Кызы һәм башка әкият геройлары белән нәкъ менә шундый очрашу бәйрәмгә үзенчәлекле төсмер бирде һәм барлык катнашучыларга бик күп уңай хис-кичерешләр бүләк итте.
Уеннар, конкурслар, биюләр яңа ел программасында катнашучылар һәм тамашачылар күңеленә хуш килде! Төрле төстәге, ялтырап торган гирляндалар һәм бизәкле чыршы балаларга могҗиза тудырды. Спектакльнең башыннан ук әкият геройлары балаларны әкияти тылсым дөньясына җәлеп итте. Балалар бәйрәм атмосферасына чумдылар, кызыклы конкурсларда катнаштылар. Бәйрәмнең кульминацион ноктасы ике метрлы куян булды, ул балаларга матур хис-кичерешләр һәм күңелле кәеф бүләк итте. Тамашадан соң барлык балалар да Кыш бабайдан татлы күчтәнәчләр алдылар.

Сулә авылы клубында Курсабаш мәдәният йорты белгечләре, Курсабаш китапханәсе мөдире белән берлектә "Кыш бабайдан сюрпризлар"дигән яңа ел үткәрделәр.Яңа ел-әкият бәйрәме, барлык балаларның яраткан бәйрәме. Аны әкияткә һәм могҗизага ышанып озак көтәләр.Без балаларга әкияти тамаша әзерләдек, анда хайваннар Яңа ел эзли иде. Аннары балаларга Кыш бабай, Кар Кызы һәм чыршы килде. Чын күңел ачу башланды. Әйлән-бәйлән йөрделәр, уйнадылар, ярыштылар. Балалар шигырьләр укыдылар, җырлар җырладылар. Бәйрәм һәркемгә, балаларга да, ата-аналарга да ошады. Барлык катнашучылар да Кыш Бабайдан татлы призлар алдылар.

Түбән Утар авылы клубында балалар өчен "Яңа ел могҗизалары" дип исемләнгән Яңа ел бәйрәме үткәрелде. Балалар бәйрәмчә Маҗара атмосферасына чумдылар, кызыклы конкурсларда катнаштылар. Кыш Бабай килү белән чын бәйрәм башланды: күңелле уеннар, җырлар, чыршы тирәли әйлән-бәйлән уйнау. Китапханәче "Әдәби алан"проектында катнашучы балаларны котлады һәм бүләкләр тапшырды Бәйрәм эмоциональ, күңелле һәм дәртле узды. Тамашачылар Яңа ел тамашасын спонсор ООО "Игенче” бүлекчәсе җитәкчесе  Зарипов А.З.,  оештыручыларга һәм катнашучыларга, шатлыклары һәм кәефләре өчен рәхмәт белдерделәр.