ЯҢАЛЫКЛАР

13 март конне Курсабаш авылында, авыл җирлеге ир-ат командалары арасында волейбол буенча турнир уздырылды.

Уен нәтиҗәләре буенча:

1 урын – Югары Утар;

2 урын – Түбән Утар;

3 урын – Курсабаш командаларына бирелде.

Барлык җиңүчеләр һәм призерлар, Мактау грамоталары һәм акчалата призлар белән бүләкләнде.

9 март көнне Сүлә авыл клубы, Курсабаш авыл мәдәният йорты, Курсабаш китапханәсе хезмәткәрләре Югары Утар балалар йортында тәрбияләнүчеләр өчен Пушкин картасы буенча "Өч аю" дип исемләнгән театральләштерелгән тамаша оештырдылар.

Әкият-балалар өчен искиткеч һәм гаҗәеп ачышлар дөньясы. Барлык балалар да әкиятләр ярата һәм аларга ышаналар. Әкиятләр нәни укучыларны игелекле, гадел, кайгыртучан һәм дустанә булырга өйрәтә, яхшылык һәрвакыт яманлыкны җиңә, диләр бит.Мәдәният хезмәткәрләре рольгә, хәрәкәтләргә һәм интонациягә керергә тырышып, үз геройларының холкын тамашачыга тапшырдылар.

Балалар әкият карадылар, сюжет артыннан өзелми генә күзәттеләр.

Яз белән бергә безгә матур бәйрәм – 8 Март-Халыкара хатын-кызлар көне килэ. Бу көн кояш нурлары, хатын-кызлар елмаюлары белән җылыначак, чәчәкләр белән бизәләчәк.8 Март уңаеннан, Курсабаш  мәдәният йортында, үзешчән сәнгатьтә катнашучылар белэн берлектэ "Хатын-кызлар көне - 8 Март"дип исемләнгән бәйрәм концерты булып узды.Концерт программасы кызыклы һәм күңелле булды. Күңелле җырлар яңгырады. Сәхнәдән тормышыбызны җылылык, матурлык һәм кайгыртучанлык белән тулыландыручыларга рәхмәт сүзләре, котлаулар һәм теләкләр яңгырады.Тамашачылар концертта катнашучыларның барысына да рәхмәт сүзләре белән таралыштылар.

6 март көнне Сулэ авыл клубында Курсабаш авыл мәдәният йорты, Курсабаш китапханәсе белгечләре белән берлектә 8 Март-Халыкара хатын-кызлар көненә багышланган "Гузэл хатын-кызларыбыз" дип исемләнгән бәйрәм чарасы үткәрелде. Бәйрәм концерты булды. Сәхнәдән күңелле җырлар, рәхмәт сүзләре, теләкләр яңгырады. Шулай ук конкурслар, биюләр дә булды. Бәйрәм чәй табыны артында тәмамланды.

Волейбол буенча Курсабаш авыл жирлеге командасы «Эзмә авыл жирлеге спартакиадасында» беренче урынны яулады. Котлыйбыз!

Язгы бәйрәм алдыннан 4 март көнне Сулэ авыл клубында балалар белән "әнигә бүләк" дип исемләнгән иҗади дәрес үткәрелде.Без төсле кәгазьдән һәм картоннан чэчэк бэйлэме ясадык. Балаларыбыз ясаган бүләк барлык әниләр һәм әбиләр өчен иң кадерле бүләк. Безнең чәчәк бәйләмнәре бик матур килеп чыкты.

Элек-электән хатын-кызлар кул эшләре белән шөгыльләнгән:крючок белэн эшлэу, чигү, тегү һәм кием-салым бизәгәннэр. Эшләнгән эшләнмәләр өйне бизәү өчен дә, бүләкләр өчен дә кулланылган, ә күпләргә яхшы табыш та китергән.Бүген кул эшләре-ул мавыктыргыч ял итү һәм үз иҗат потенциалыңны тормышка ашыру ысулы.25 февраль көнне Сулэ авыл клубында Курсабаш авыл китапханәсе белән берлектә "кулларга шатлык-йөрәккә шатлык"дип исемләнгән кул эшләре күргәзмәсе оештырылды.Чигү, бәйләү, бисердан картиналар, алмазная вышивка һәм башка осталык төрләре күргәзмәдә бик күп кызыклы һәм якты эшләр тәкъдим ителгән иде.

Музыка-кешелек дөньясының  меңләгән еллар дәвамында эшләгән иң зур уйлап табуы. Ул кешеләрнең көнкүрешенең һәм үз-үзләрен күрсәтүнең аерылгысыз өлеше булып тора, төрле халыкларның мәдәни традицияләрен һәм гореф-гадәтләрен чагылдыра. 20 февраль көнне Курсабаш авыл мәдәният йорты, Сулэ, Түбән Утар авыл клубы, Курсабаш авыл китапханәсе хезмәткәрләре авыл узешчэн артистлары белэн берлектэ, Олыяз авыл мәдәният йортында "Җырлыйк әле"дип исемләнгән музыкаль программа оештырдылар.Программа 4 этапта узды. Һәр этапта уенчылар беренче ноталардан көйләр, җырлар, музыка уен кораллары уйлап җаваплар бирделәр. Уен музыкаль паузалар белән чиратлашып барды. Программа бер сулышта узды.

22 февраль көнне Сулэ авыл клубында Курсабаш авыл мәдәният йорты, Курсабаш китапханәсе белгечләре белән берлектә "Ватанга хезмәттә"дип исемләнгән концерт номерлары белән ярышлар,бәйгеләр үткәрелде.Чара барышында торле конкурслар, уеннар үткәрелде. Күңел ачулар барлык кунаклар өчен дә табылды. Конкурслар музыкаль номерлар белән үрелеп барды.Соңыннан барлык катнашучылар да истәлекле бүләкләр белән бүләкләнде.

18 февраль көнне Сулэ авыл клубында Курсабаш китапханәсе мөдире белән берлектә"һәр өйнен үз уенчыклары "дип исемләнгән күргәзмә үткәрелде.Балаларның заманча уенчыклары күп. Күп еллар элек балалар уенчыкларының бөтенләй башкача күренүен бик азлар гына белә.

Китапханәче катнашучылар белән берлектә Уенчыклар дөньясына һәм уенчыклар белән бәйле гаилә гореф-гадәтләренә кечкенә сәяхәт кылды.