Саба муниципаль районында "Авыл территорияләрен комплекслы үстерү"Дәүләт программасы буенча бер фатирлы индивидуаль торак йортлар төзелеп килә. Быел программа 23 гаиләне торак белән тәэмин итәчәк.

"Безнең ишегалды" Республика программасы буенча, Шәмәрдән авылында Азина урамындагы йортның ишегалдын төзекләндерү эшләре бара.

Г.Тукай урамындагы паркны төзекләндерү эшләре дәвам итә.

Ишегалды территориясен "Безнең ишегалды" Республика программасы буенча төзекләндерү

Байлар Сабасы шәһәр тибындагы бистәсендә индустриаль паркның икенче чиратын төзү буенча күчмә киңәшмә

Саба районы башлыгы, "АлтынГрупп" ҖЧҖ генераль подряд оешмасы, "АртСтрой" ҖЧҖ субподряд оешмасы вәкилләре катнашында "Саба район үзәк хастаханәсе" ДАССОның кан тамырлары үзәге төзелеше буенча киңәшмә узды. Киңәшмә катнашучылары объектны сыйфатлы эшләү турында фикер алыштылар.

Бүгенге көндә Саба муниципаль районының Урта Саба авыл клубы бинасында ремонт эшләре бара. Эшләрне җирле бюджет акчалары хисабына "ПМК №159" ҖЧҖ подрядчы оешмасы башкара.

Саба туган якны өйрәнү музеенда бинаны капиталь ремонтлау эшләре дәвам итә.  Янгынга каршы системаны, яктырту приборларын көйләү, шулай ук экспозицион модульләрне җыю эше алып барыла.

Олы Шыңар авылында инеш яр буйларын төзекләндерү эшләре дәвам итә: электр яктырткычлар куелды, тротуар өчен брусчатка җәелә. Эшләрне   «БарсЭлитСтрой» ААҖ башкара.

Тимершык авыл җирлегендә эчәргә яраклы су системасының төгәллеген, төзеклеген “Шемордан МПП ЖКХ” ҖЧҖ тәэмин итә. Алар үз эшләрен вакытында, төгәллек белән башкарып үтиләр.