ЯҢАЛЫКЛАР

Татарстан Республикасы Тәтеш муниципаль районының «Нармонка урта гомуми белем бирү мәктәбенең» 6 сыйныф укучысы Александра Кузьминых 2024 елның 23 ноябрендә Казан шәһәрендә Л. Н.Толстой исемендәге XXII Республика фәнни-гамәли конференциясендә катнашты. 

23 ноябрь Башчы авыл клубында Россия Федерациясендә Гаилә елы кысаларында «Искә төшерик һәм онытмыйк» дип исемләнгән тематик кичә үткәрелде. 

22 ноябрь Тәтеш район мәдәният йортында Россия Федерациясендә Гаилә елы кысаларында «Планета әни кулында» дип исемләнгән бәйрәм программасы булып узды.

Ел саен бөтен дөньяда ноябрьнең соңгы якшәмбесендә искиткеч бәйрәм-әниләр Көне билгеләп үтелә! Әниләр көне - күңелне нечкәртә торган бәйрәм, ул  безнең һәрберебезнең тормышында иң мөһим кеше – әни икәнен искә төшерә. 22 ноябрь көнне Кызыл-Мишә мәдәният йортында һәм китапханә хезмәткәрләре "Һәрвакыт булсын әни!» дигән ял кичәсе оештырдылар. Барлык концерт номерлары мәхәббәт һәм хөрмәт хисләре белән башкарылды.  Әниләргә җылы сүзләр, изге теләкләр, күңелгә үтеп керерлек шигырьләр, лирик һәм күңелле җырлар яңгырады. Кичәне әниләр катнашында «Безнең уен» интеллектуаль уены белән дәвам иттеләр. Уен җылы һәм дустанә атмосферада узды. Әниләр "Ханымнар" һәм "Супер әниләр" командаларына бүленде. Уен берничә турдан торды. Сорауларга җавап биргәндә, анда катнашучылар үзләренең эрудицияләрен һәм логик фикерләүләрен, вакыт чикләнгән шартларда стандарт булмаган ситуациядә карарлар кабул итә белүләрен күрсәтергә тиеш булдылар. Барлык сораулар да катнашучылар өчен кызыклы һәм мавыктыргыч булды. Жюри фикеренчә, әниләр биремнәрне уңышлы үтәделәр һәм дуслык җиңде. Чара ахырында барлык катнашучыларга да истәлекле бүләкләр тапшырылды. Кичәдән һәркем дә кәнәгать калды.

2024 елның 20-24.11. көннәрендә Казан шәһәренең Бокс һәм өстәл теннисы үзәгендә өстәл теннисы буенча Татарстан Республикасы Беренчелеге узды. Саба муниципаль районы егетләр (Латыйпов Илсаф, Вәлиуллин Әлфис, Билалов Дамир)һәм кызлар (Хәбибрахманова Зилә, Латыйпова Илзирә, Батыршина Зилә, Хәйруллина Алинә) командалары арасында 3 урынны яуладылар. Котлыйбыз, алга таба уңышлар телибез.

Саба туган якны өйрәнү музее хезмәткәрләре агач эшләнмәләрне буяу буенча мастер-класс үткәрделәр. Укучылар күрсәтелгән үрнәкләрне зур кызыксыну белән карадылар, агач эшләнмәләрне буяу ысуллары белән таныштылар. Балалар мастер-класста бик теләп катнаштылар, бәйрәм көн уңаеннан бу хезмәтләре әниләрен сөендерергә бик матур бүләк булды.

ОДМС

Психология атналыгы кысаларында 3-4,6 сыйныф укучылары өчен "Минем кәефем"дигән темага класс сәгате үткәрелде. Кешенең кәефе, аның нинди булуы, сыйныфташының кәефен ничек билгеләргә икәнлеге турында сөйләштеләр. 

2025 елның беренче яртыеллыгында район газетасына языл һәм призлар от!

Бүген Казанда «Бердәм Россия»нең Татарстан региональ бүлекчәсенең XXXVII конференциясе узды. Чара кысаларында муниципаль берәмлекләрнең вәкиллекле органнарында депутат берләшмәләре эшен иң яхшы оештыруга IV республика конкурсына йомгак ясалды.