ЯҢАЛЫКЛАР

8 февраль көнне Явлаштау мәдәният йортында ТАССР төзелүнең 100 еллыгына, Саба районы төзелүнең 90 еллыгына, Бөек Ватан сугышында Җиңүнең 75 еллыгына багышланган  «Саба дулкыннары», «Саба таңнары» коллективлары һәм Эчке эшләр бүлеге хезмәткәрләренең  «Буыннар чылбыры»-«Связь поколений» дип аталган отчет - иҗат концерты булып узды. 

«09» февраль көнне Бигәнәй мәдәният йортында ТАССР төзелүнең 100 еллыгына, Саба районы төзелүнең 90 еллыгына, Бөек Ватан сугышында Җиңүнең 75 еллыгына багышланган  Эзмә авыл җирлеге үзешчән сәнгатьтә катнашучыларның «Жырлыйк туган якта» дип исемләнгән отчет - иҗат концерты булып узды. Фойеда әлеге күренекле даталарга багышланган күргәзмә оештырылды. Тамашачылар концертны бик теләп карадылар, үзешчән сәнгатьтә катнашучыларның һәр чыгышын тамашачылар кочле алкошлар белән каршы алдылар.

      Татарстанда яшәүче Бөек Ватан сугышында катнашучыларның барысы да Җиңүнең 75 еллыгына федераль һәм төбәк түләүләрен исәпкә алып, 100 мең сум күләмендә бер тапкыр бирелә торган акча алачак. Бүген бу хакта Татарстан Республикасы Президенты Рөстәм Миңнеханов Татарстан Республикасы Балтач районында халыклар дуслыгының туган якны өйрәнү музеенда булганда хәбәр итте.

ТАССРның 100 еллыгы уңаеннан Саба балалар сәнгать мәктәбендә күргәзмә оештырылды.

Шәмәрдән авылында яшәүче Гөлбану Гайфи кызы Филипповага - 90 яшь.

Юбилярны социаль яклау бүлеге җитәкчесе Марсель Хуҗин, Шәмәрдән авыл җирлеге башлыгы Айдар Гәрәев тәбрикләделәр.

7 февраль – ТРсы гербы кабул ителгән көн. Шул уңайдан  Олы Кибәче авыл китапханәсендә, яшүсмерләр белән берлектә,  ТАССР төзелүгә 100 ел һәм ТРсы гербы  кабул ителү көненә багышланган  “Белемлеләр- ТАССР тарихы битләрен барлый” дигән  викторина уздырылды. Шулай ук ТАССРның 100 еллыгына багышланган күргәзмә эшләнде. Викторинада сорауларга иң күп дөрес һәм төгәл җаваплар биреп, Габдрахманов Фәнгиз җиңү яулады.

8 февраль көнне Лесхоз мәдәният йорты һәм китапханә хезмәткәрләре "ТАССРның 100 еллыгы", "Саба районының 90 еллыгы", "1941-1945 еллардагы Бөек Ватан сугышында Җиңүнең 75 еллыгы"дигән стендлар әзерләделәр һәм урнаштырдылар.

ТАССРның 100 еллыгы уңаеннан Сатыш авыл китапханәсендә "Ак калфак" түгәрәгенә йөрүче ханымнар өчен "Туган авылым Сатыш"дип исемләнгән түгәрәк өстәл, әңгәмә үткәрелде. Һәр кешенең үз гомерендә туган, балачагын һәм яшьлеген үткәргән, әти – әнисе, әбиләре һәм бабалары, иң якыннары һәм кадерле кешеләре яшәгән  урыннар бар.  Шуларны истә тотып, туган авылыбызның тарихы һәм матурлыгы, Сатыш авылыннан чыккан күренекле шәхесләр һәм истәлекле урыннар турында сөйләнелде. Шулай ук авылыбызның имамы, Алмаз Галимҗанов та бу очрашуга чакырылган иде. Ул мәчетнең авыл тормышында роле турында сөйләде, катнашучыларны борчыган сорауларга җавап бирде. Бүгенге көндә ислам диненең роле һәм кешенең рухи халәте турында фикерләр дә алышынды.

Быел  безнең  республикабыз   100  еллыгын бәйрәм  итәргә  җыена.

Без район халкын Рушан Миңнегулов өчен тавыш бирергә чакырабыз!